ଜୁନରେ ୧.୬୧ ଲକ୍ଷ କୋଟି ଜିଏସ୍‌ଟି ଆଦାୟ

ଓଡ଼ିଶାରେ ୪,୩୭୯.୯୮ କୋଟି ଟଙ୍କାର ଜିଏସଟି୍ ସଂଗ୍ରହ କରାଯାଇଛି। ସେହିପରି ୧୧,୯୦୦ କୋଟି ଟଙ୍କା ଜିଏସଟି ସେସ୍ ମଧ୍ୟ ଆଦାୟ କରାଯାଇଛି ଥିବା ଅର୍ଥମନ୍ତ୍ରଣାଳୟ କହିଛି।

ଘରୋଇ କାରବାର ବୃଦ୍ଧି ଯୋଗୁ ଦେଶରେ ରାଜ୍ୟ ରାଜସ୍ୱ ଆଦାୟ ବଢ଼ିଛି। ଏଥିରେ ଆମଦାନୀ ଶୁଳ୍କ ମଧ୍ୟ ରହିଛି। ଗତ ବର୍ଷ ଜୁନ୍ ମାସ ଅପେକ୍ଷା ୧୮ ପ୍ରତିଶତ ଆମଦାନୀ ଶୁଳ୍କ ସଂଗ୍ରହରେ ବୃଦ୍ଧି ପାଇଛି ବୋଲି ଅର୍ଥମନ୍ତ୍ରାଳୟ ସୂଚନା ଦେଇଛି।

ଦେଶରେ ଜିଏସଟି ଲାଗୁ ହେବା ଠାରୁ ଚତୁର୍ଥ ଥର ପାଇଁ ଦ୍ରବ୍ୟ ଓ ସେବା ଶୁଳ୍କ ଆଦାୟ ୧.୬ ଲକ୍ଷ କୋଟି ଟଙ୍କା ପାର୍ କରିଛି। କ୍ରମାଗତ ୧୬ ମାସ ୧.୪ ଲକ୍ଷ କୋଟିରୁ ଅଧିକ ହୋଇଥିବା ବେଳେ ସପ୍ତମ ଥର ପାଇଁ ୧.୫ ଲକ୍ଷ କୋଟି ଟଙ୍କାରୁ ଅଧିକ ଜିଏସ୍‌ଟି ଆଦାୟ ହୋଇଛି। ଗତ ୩ ବର୍ଷର ପ୍ରଥମ ତ୍ରୟମାସିକ ହାରାହାରି ଜିଏସଟି ସଂଗ୍ରହ ଉପରେ ନଜର ପକାଇଲେ, ଆର୍ଥିକ ବର୍ଷ ୨୦୨୧-୨୨, ଆର୍ଥିକ ବର୍ଷ ୨୦୨୨-୨୩ ଓ ୨୦୨୩-୨୪ରେ ଯଥାକ୍ରମେ ୧.୧୦ ଲକ୍ଷ କୋଟି ଟଙ୍କା, ୧.୫୧ ଲକ୍ଷ କୋଟି ଓ ୧.୬୯ ଲକ୍ଷ କୋଟି ଟଙ୍କା ଆଦାୟ ହୋଇଥିବା ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି।