ଓଡ଼ିଆ ବାର୍ତ୍ତା/ ସୋନପୁର (ସର୍ଜନ କୁମାର ପାଣ୍ଡେ): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ନାକଡେଇଁ ଗ୍ରାମରେ ନାଗେଶ୍ବର ଯୁବକ ସଂଘ ତରଫରୁ ବୃକ୍ଷ ରୋପଣ କାର୍ଯକ୍ରମ ଅନୁଷ୍ଠିତ ହୋଇଯାଇଛି। ପ୍ରକୃତି ବନ୍ଧୁ ହୃଷୀକେଶ ଦେହେରିଙ୍କ ସଂଯୋଜନାରେ ଏନେଇ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉଲୁଣ୍ଡା ହସ୍ପିଟାଲର ଡିଇଓ ରାଜେନ୍ଦ୍ର କୁମାର ଦେହୁରୀ ସମସ୍ତଙ୍କୁ ଶପଥ ପାଠ କରାଇ ଗଛ ଲଗାଇବା ସହିତ ସୁରକ୍ଷିତ ରଖିବା ପାଇଁ ଆହ୍ବାନ ଦେଇଥିଲେ। ସଂଘର ସୁଶାନ୍ତ ଥନାପତି, ମନୋଜ ଥନାପତି, ବିନୋଦ ଥନାପତି, ମୋନୋଜ ପଧାନ, ହୃଷି ପଧାନ, ଆଦେଶ ଥନାପତି, ଚିତ୍ତରଞ୍ଜନ ଦେହୁରୀ, ମାନସ ପୁରୋହିତ, ସରୋଜ ପ୍ରଧାନଙ୍କ ସମେତ ସଂଘର ସଦସ୍ୟ ବୃନ୍ଦ ଓ ଗ୍ରାମର ଅନେକ ଲୋକ ଉପସ୍ଥିତ ରହି ସହଯୋଗ କରିଥିଲେ। ବ୍ୟାସଦେବ ଜାନୀ କାର୍ଯ୍ୟକ୍ରମ ପରିଚାଳନା କରିଥିବାବେଳେ ସିକୁନ ଥନାପତି ଧନ୍ୟବାଦ ଅର୍ପଣ କରିଥିଲେ।
