ପ୍ରେମଶିଳା ରାଉତଙ୍କ କବିତା : ହେ ବୀର ଯବାନ

ହେ ମୋର ପୂଜ୍ୟ ବୀର ଯବାନ ଗଣ
ତୁମକୁ କୋଟି ଜୁହାର
ତୁମ ପାଇଁ ଆଜି ଏ ଭାରତ ମାଆ
ଝରାଉଛି ଲୁହ ଧାର ।

ଝରୁଛି ଯେ ସତେ ନୟନୁ ଲୋତକ
ସଵୁ ଜନତାଙ୍କ ନେତୁ
ଭୁଲି ହେଉନାହିଁ ରୂପ ପ୍ରତିଛବି
ମନେ ବାନ୍ଧେ ଲୁହ ସେତୁ ।

ହେ ବୀର ଯବାନ ଭୁଲିପାରିବୁନି
ତୁମ ତ୍ୟାଗ ବଳିଦାନ
ଭାରତ ଭୂଇଁ ରେ ହସି ହସି ତୁମେ
ଦେଇଦେଲ ଟିକି ଜୀବନ ।

ଭାରତ ମାଆ କୋଳେ ଶୋଇ ପଡ଼ିଲ
ଆଜୀବନ କାଳ ତୁମେ
ଢାଳିଦେଲ ରକ୍ତ ଶରୀର ବକ୍ଷରୁ
ଜୀବନର ଶେଷ ଅନ୍ତିମେ ।

ତୁମ ପାଇଁ ଆଜି ଗର୍ବିତ ମୋ ମାଆ
ଗର୍ବିତ ଏ ଦେଶବାସୀ
ଝୁରୁଛୁ ଅନ୍ତରୁ ସଭିଏଁ ତୁମକୁ
ମନୁ ହସଖୁସି ନାଶି ।

ମାଆ ଖୋଜେ କାନ୍ଦି ପୁଅ ପୁଅ ବୋଲି
ବାପା କାନ୍ଦଇ ଗୁମୁରି
ସ୍ତ୍ରୀ ପିଲାଛୁଆ ଓ ବନ୍ଧୁ ପରିଜନେ
କାନ୍ଦନ୍ତି ଯେ ଝୁରିଝୁରି ।

ପ୍ରତିଶୋଧ ନିଆଁ ଜଳେ ହୃଦୟରେ
ଵେଇମାନି ଶତ୍ରୁ ପାଇଁ
ହାରିବାନି କେବେ ତାଙ୍କ ସମ୍ମୁଖରେ
ଦେବା ପଛେ ପ୍ରାଣ ଦେଇ ।

ବଜ୍ର ଶପଥ ନେବାରେ ସଭିଏ
ଏ ଭାରତ ମାଆ ପାଇଁ
ବୀର ସହୀଦଙ୍କ ଆଶା ଓ ଆକାଂକ୍ଷା
ପୂର୍ଣ୍ଣ କରିବା ଏକ ହୋଇ ।

ହେ ବୀର ଯବାନ ଚିର ନମସ୍କାର
ତୁମ ଚରଣ କମଳେ
ସଭିଙ୍କ ମନରେ ସ୍ମୃତି ହୋଇ ସଦା
ରହିଥିଵ କାଳେ କାଳେ ।

      ବୃନ୍ଦାବାହାଲ, ଗୋଲାମୁଣ୍ଡା, କଳାହାଣ୍ଡି

For latest news & views update

Click on bell button and subscribe to notifications.

Like us on facebook 👇

http://facebook.com/odiabarta

Subscribe us on youtube 👇

http://youtube.com/channel/UCdoWrXFOsGOd7dzWwMFwFrQ

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in

Leave a Reply

Your email address will not be published.

error: You are not allowed to copy this content. Thank you.