ଓଡ଼ିଆ ବାର୍ତ୍ତା/ ଭବାନୀପାଟଣା (ଅଲତାଫ ଅଲ୍ଲୀ ଖାଁ): କଳାହାଣ୍ଡି ବିଶ୍ୱବିଦ୍ୟାଳୟର କୁଳପତି କର୍ଣ୍ଣେଲ ସଞ୍ଜୟ କୁମାର ଶତପଥୀଙ୍କ ପରାମର୍ଶ କ୍ରମେ ଓଡ଼ିଆ ବିଭାଗ ପକ୍ଷରୁ ବିଶ୍ୱ ଲୋକସାହିତ୍ୟ ଦିବସ ପାଳିତ ହେଇଯାଇଛି। ଓଡ଼ିଆ ବିଭାଗର ମୁଖ୍ୟ ଡକ୍ଟର ପଲ୍ଲୀଶ୍ରୀ ପଟ୍ଟନାୟକଙ୍କ ସଭାପତିତ୍ୱରେ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ ସମାଜ ବିଜ୍ଞାନ ବିଭାଗର ମୁଖ୍ୟ ଡକ୍ଟର ବୀରେନ୍ଦ୍ର ସୁନା। କାର୍ଯ୍ୟକ୍ରମରେ ଅଧ୍ୟାପକ ଦୟାନିଧି ପରିଡା, ଡକ୍ଟର ସାଗରିକା ସାହୁ ଓ ଜୟଦ୍ରଥ ସୁନା ମଞ୍ଚସୀନ ଥିଲେ। ଏଥିରେ ଲୋକସାହିତ୍ୟର ଗୁରୁତ୍ୱ ଉପରେ ଆଲୋଚନା ହୋଇଥିଲା। ଅଧ୍ୟାପିକା ରେଣୁକା ଡାକୁଆ ଅତିଥି ପରିଚୟ ପ୍ରଦାନ କରିଥିବା ବେଳେ ଧନ୍ୟବାଦ ଅର୍ପଣ କରିଥିଲେ ଅଧ୍ୟାପିକା ପ୍ରତ୍ୟାଶା ଧଳ।
