ଓଡ଼ିଆ ବାର୍ତ୍ତା/ ଟିକ୍ରାପଡ଼ା (ରମାକାନ୍ତ ରାଜପଲିଆ): ସଇଁତଲା ବ୍ଲକ ଝିଙ୍କିଡୁଙ୍ଗୁରି ଗ୍ରାମର ରାଜୀବ ଭଵନରେ ଏକଲ ଅଭିଯାନ ଆନୁକୂଲ୍ୟରେ ଟିକ୍ରାପଡା ସଞ୍ଚର ଦିନିକିଆ ଆଚାର୍ଯ୍ୟ ତାଲିମ ଶିବିର ଅନୁଷ୍ଠିତ ହୋଇଯାଇଛି | ଏଥିରେ ଟିକ୍ରାପଡା ସଞ୍ଚରେ କାର୍ଯ୍ୟରତ ୩0 ଜଣ ଆଚାର୍ଯ୍ୟ ଆଚାର୍ଯ୍ୟା ଉପସ୍ଥିତ ରହିଥିଲେ | ସଞ୍ଚ ପ୍ରମୁଖ ରବିଚନ୍ଦ୍ର ବାଗ ତାଲିମ ଦେଇଥିଲେ | ଉଦଯାପନୀ ସଭାରେ ମୁଖ୍ୟ ଅତିଥି ଭାବେ ସଞ୍ଚ ଉପାଧ୍ୟକ୍ଷ ମୋହନ ନାଏକ, ଅଭିଭାବିକା ପ୍ରମୁଖ ବିନୋଦିନୀ ନାଏକ ସମ୍ମାନିତ ଅତିଥି ଭାବେ ଯୋଗଦେଇ ମତ ବ୍ୟକ୍ତ କରିଥିଲେ | ଏହି ଅବସରରେ ଅତିଥିଗଣ ଆଚାର୍ଯ୍ୟ ଆଚାର୍ଯ୍ୟାଙ୍କୁ କମ୍ବଳ ବଣ୍ଟନ କରିଥିଲେ | ଆଚାର୍ଯ୍ୟ ପିତାମ୍ବର ଭୋଇ ଅତିଥି ପରିଚୟ ଓ ଆଚାର୍ଯ୍ୟ ତରୁଣ କାଲସାଏ ଧନ୍ୟବାଦ ଅର୍ପଣ କରିଥିଲେ |
