ଓଡ଼ିଆ ବାର୍ତ୍ତା/ ଭୁବନେଶ୍ୱର: ଓଡ଼ିଶା ସ୍ପେସିଆଲ୍ ଏଜୁକେଟର ଫେଡ଼େରସନ ଫର୍ ଦିବ୍ୟାଙ୍ଗ ସଂଘର ସାଂଗଠନିକ ବୈଠକ ତଥା କାର୍ଯ୍ୟକାରିଣୀ ଏବଂ ପ୍ରଶିକ୍ଷଣ ବର୍ଗ ଭୁବନେଶ୍ୱର ଠାରେ ଅନୁଷ୍ଠିତ ହୋଇଯାଇଅଛି। ଏହି ବୈଠକରେ ମୁଖ୍ୟଅତିଥି ଭାବେ ସକ୍ଷମ ସଂଗଠନର ସଭାପତି ଇଂ ସତ୍ୟବ୍ରତ ସାହୁ ଯୋଗଦେଇ ଦିବ୍ୟାଙ୍ଗ ବ୍ୟକ୍ତିବିଶେଷ ମାନଙ୍କ ପାଇଁ କାର୍ଯ୍ୟ କରିବା ପାଇଁ ନିଜର ବକ୍ତବ୍ୟ ମାଧ୍ୟମନରେ ଉପସ୍ଥିତ ଯୁବ ପିଢିଙ୍କୁ ପ୍ରେରଣା ଯୋଗାଇଥିଲେ। ମୁଖ୍ୟବକ୍ତା ଭାବେ ଉପସଭାପତି ବୀରକିଶୋର ମହନ୍ତ ଯୋଗ ଦେଇ ସଂଘରେ ସଂଗଠନର ଭୂମିକା ଏବଂ ନେତୃତ୍ୱରେ ପରିମାର୍ଜିତ ଉପରେ ମାର୍ଗଦର୍ଶନ ପ୍ରଦାନ କରିଥିଲେ ଏଥିସହିତ ଓଏସଇଏଫଡ଼ି ସଂଘର ସଭାପତି ସୂର୍ଯ୍ୟକାନ୍ତ ବେହେରା, ସଂପାଦକ ଆୟୁଷ୍ମାନ ଚୌଧୁରୀ, ଉପସଭାପତି ବିଶ୍ବବିଜୟୀ ଦାଶ, କୋଷାଧ୍ୟକ୍ଷ ଅଭିଷେକ ଆଚ଼ାର୍ଯ୍ୟ, ଯୁଗ୍ମ ସମ୍ପାଦିକା ଆର୍ଷୀ ଉପାସନା କର,ସହ – କୋଷାଧ୍ୟକ୍ଷ ପ୍ରିୟବ୍ରତ ରାଉତ ପ୍ରମୁଖ ଯୋଗଦେଇ ସଂଘର ସାଂଗଠନିକ ସ୍ଥିତି, ସମୀକ୍ଷା ଓ ଆଗାମୀ କାର୍ଯ୍ୟପନ୍ଥା ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିବା ସହ ଦିବ୍ୟାଙ୍ଗଙ୍କ ବିକାଶ ପାଇଁ ସର୍ବଦା କାର୍ଯ୍ୟଜାରି ରଖିବାକୁ ଓଡ଼ିଶାର ସମସ୍ତ ସ୍ୱତନ୍ତ୍ର ଶିକ୍ଷକଙ୍କୁ ଆହ୍ୱାନ ଦେଇଥିଲେ। ଏହି ବୈଠକରେ ଓଡ଼ିଶାର ବିଭିନ୍ନ ଜିଲ୍ଲାର ନେତୃତ୍ବ ମାନେ ଉପସ୍ଥିତ ରହି ଦିବ୍ୟାଙ୍ଗଙ୍କ ବିକାଶ ଏବଂ ସ୍ୱତନ୍ତ୍ର ଶିକ୍ଷକଙ୍କ ବିଭିନ୍ନ ସମସ୍ୟାର ସମାଧାନ ପାଇଁ ନିଷ୍କର୍ସ ଦିଗରେ ଆଲୋଚନା କରିଥିଲେ।