ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଲାଞ୍ଜିଗଡ଼ ବ୍ଲକର ପୋଖରୀବନ୍ଧ ଶାରଦୀୟ ଦୁର୍ଗାପୂଜା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ପୋଖରୀବନ୍ଧ ମାଁ ହିରାନୀଳା ଷ୍ଟୋନ କ୍ରସର ପକ୍ଷରୁ ଆୟୋଜିତ ଦୁର୍ଗାପୂଜା ଏଥର ତୃତୀୟ ବର୍ଷରେ ପଦାର୍ପଣ କରିଛି। ପୋଖରୀବନ୍ଧ ମାଁ ହିରାନୀଳା ଷ୍ଟୋନ କ୍ରସର ପକ୍ଷରୁ ରମେଶ ଚନ୍ଦ୍ର ସାହୁଙ୍କ ସଭାପତିତ୍ବରେ ଅନୁଷ୍ଠିତ ବୈଠକରେ ଗତବର୍ଷ ଭଳି ଏହି ବର୍ଷ ମଧ୍ୟ ଭବ୍ୟ କଳସ ଯାତ୍ରା ସହିତ ସଂସ୍କୃତିକ କାର୍ଯ୍ୟକ୍ରମ ଅପେରା, ମେଲୋଡି ତଥା ମିନାବଜାରର ଅନୁଷ୍ଠିତ ହେବ ବୋଲି ବୈଠକରେ ଆଲୋଚନା କରାଯାଇଥିଲା। ଏହି ବର୍ଷ ଏଥିରେ ଦିର୍ଘ ନଅ ଦିନ ଧରି ଶାରଦୀୟ ଦୂର୍ଗାପୂଜା ଅନୁଷ୍ଠିତ ହେବାକୁ ଥିବା ବେଳେ ପ୍ରବଳ ଜନସମାଗମକୁ ଦୃଷ୍ଟିରେ ରଖି ଶୃଙ୍ଖଳିତ ଦର୍ଶନ ପାଇଁ ବ୍ୟାପକ ଭାବେ ପ୍ରସ୍ତୁତି କରାଯିବା ସହ ପୂଜା କମିଟି ସଦସ୍ୟଙ୍କ ସହାୟତା ନେବା ପାଇଁ ନିଷ୍ପତି ନିଆଯାଇଛି ବୋଲି ଶ୍ରୀ ସାହୁ ପ୍ରକାଶ କରିଛନ୍ତି। ଉକ୍ତ ବୈଠକରେ ପରିଚାଳନା କମିଟିର ବିକ୍ରମାଦିତ୍ୟ ବାରିକ, ଭବାନୀ ଶଙ୍କର ବାଣୁଆ, ଭଗବାନ ରାଉତ, କର୍ଣ୍ଣ ମାଝୀ, ପବିତ୍ର ବିଭାର, ସନାତନ ବିଶି, ଶଙ୍କର ପ୍ରଧାନୀ, କୁଳମଣି ବାଣୁଆ, ଉଗ୍ରସେନ ବାଗ, ପିତାମ ହରିଜନ, ମଳୟ ବାରିକ, ପିତାମ ବେହେରା, ଯଶୋବନ୍ତ କୁମାର, କୁନା ବେହେରା, ଭାଲୁ ବେହେରାଙ୍କ ସମେତ ସମସ୍ତ ସଦସ୍ୟ ଉପସ୍ଥିତ ରହି ଆଲୋଚନା କରିଥିଲେ।
