କୋକସରା/ଧର୍ମଗଡ,୧୨/୮ : ଶ୍ରାବଣର ଶେଷ ସୋମବାରରେ ବିଭିନ୍ନ ଶୈବ ପିଠରେ କାଉଡିଆଙ୍କ ଭିଡଲାଗିଥିବା ବେଳେ କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ ବେହେରାଗୁଡା ଠାରେ ନିଆର ଢଙ୍ଗରେ ଜଳାଭିଷେକ କରିଛନ୍ତି ବୋଲବମ୍ ଭକ୍ତ । ଦିର୍ଘ ୨ କିଲୋମିଟ ଦୂରରେଥିବା ନଈରୁ ଶତାଧିକ ଭକ୍ତ ପାଣି ଉଠାଇ ଗୁରୁଣ୍ଡି ଗୁରୁଣ୍ଡି ଆସି ମହାଦେବଙ୍କୁ ଜଳାଭିଷେକ କରିଥିଲେ । ବିଶ୍ୱାସ ରହିଛି ଯେ, ଏହିଭଲି ସାଧନାସହ ଶିବଙ୍କ ଠାରେ ଜଳ ଲାଗି କଲେ ନିଜର ମାନସିକ ପୂର୍ଣ୍ଣ ହେବା ସଙ୍ଗେ ସମାଜର ମଙ୍ଗଳ ହୋଇଥାଏ ।
ସେହିପରି କୋକସରା ବ୍ଲକର କୁସୁମଖୁଣ୍ଟି ଶବପୀଠରେ ଶତାଧିକ ବୋଲବମ୍ ଭକ୍ତଙ୍କ ଭିଡ ଲାଗିଥିବା ବେଳେ ବ୍ଲକର ବଡକେନ୍ଦୁଗୁଡା ସ୍ଥିତ ଝାରବନ୍ଦ, ରେଙ୍ଗାଲପାଲି, ବଡପୋଡାଗୁଡା, ସୀଉନି, କୋକସରା, ମୂଷାପାଳି, ଓଳମା ଆଦି ଶୈବପୀଠରେ ହଜାର ହଜାର ବୋଲବମ୍ ଭକ୍ତଙ୍କ ଭିଡ ଲାଗିରହିଥିଲା । ବୋଲବମ୍ ଭକ୍ତଙ୍କ ଭିଡକୁ ଦୃଷ୍ଟିରେ ରଖି ମନ୍ଦିର ପରିଚାଳନା କମିଟି ପକ୍ଷରୁ ଶାନ୍ତି ସୃଙ୍ଖଲା ନିମନ୍ତେ ବ୍ୟପକ ବ୍ୟବସ୍ଥା କରିବା ସହ ଭକ୍ତଙ୍କ ସକାଶେ ଅର୍ଣ୍ଣ ପ୍ରଶାଦର ବ୍ୟବସ୍ଥା ମଧ୍ୟ କରାଯାଇଥିଲା ।
କୋକସରା ରୁ ହିରଣ୍ୟ ବେହେରା ଙ୍କ ରିପୋର୍ଟ odiabarta.in
