କଳାହାଣ୍ଡି,୫/୯: ଭବାନୀପାଟଣା ସହର ସ୍ଥିତ ସ୍ୱାମୀ ବିବେକାନନ୍ଦ ପବ୍ଲିକ୍ ସ୍କୁଲଠାରେ ଗୁରୁଦିବସ ପାଳିତ ହୋଇଯାଇଛି। ଏହି ଅବସରରେ ସ୍କୁଲର ପ୍ରତିଷ୍ଠାତା ତଥା ଅଧ୍ୟକ୍ଷ ଶିବରାମ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ରାଷ୍ଟ୍ରପତି ପୁରଷ୍କାରପ୍ରାପ୍ତ ଶିକ୍ଷକ ବ୍ରହ୍ମାନନ୍ଦ ସାମଲ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ସମାଜସେବୀ ସୁତମ ନାୟକ ଓ ଅଜିତ ସେନାପତି ସମ୍ମାନିତ ଅତିଥି ଭାବେ ଯୋଗଦେଇ ଗୁରୁଶିଷ୍ୟ ପରମ୍ପରା ଓ ସମାଜକୁ ଗୁରୁଙ୍କ ଅବଦାନ ସମ୍ପର୍କରେ ମତ ପ୍ରକାଶ କରିଥିଲେ। ସମାଜ ତଥା ରାଷ୍ଟ୍ର ଗଠନରେ ଗୁରୁ ହେଉଛନ୍ତି ମେରୁଦଣ୍ଡ। ଗୁରୁ ସମାଜରେ ଥିବା କୁସଂସ୍କାର ଓ ବ୍ୟାଧିକୁ ଦୂରେଇ ଆଲୋକ ପ୍ରଦାନ କରିଥାନ୍ତି ବୋଲି ସ୍କୁଲର ପ୍ରତିଷ୍ଠାତା ବକ୍ତବ୍ୟ ରଖିଥିଲେ।
ଛାତ୍ରଛାତ୍ରୀମାନେ ଶିକ୍ଷକଶିକ୍ଷୟିତ୍ରୀମାନଙ୍କଠାରୁ ଆଶୀର୍ବାଦ ଗ୍ରହଣ କରିବା ସହ ଡ. ସର୍ବପଲ୍ଲୀ ରାଧାକୃଷ୍ଣନଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ, ପୂଜାର୍ଚ୍ଚନା କରି ସଭାକାର୍ଯ୍ୟ ଆରମ୍ଭ କରିଥିଲେ। ପ୍ରତ୍ୟେକ ଶିକ୍ଷକ ଶିକ୍ଷୟିତ୍ରୀଙ୍କୁ ଗଛଚାରା ଉପହାର ରୂପେ ପ୍ରଦାନ କରାଯାଇଥିଲା। ଶିକ୍ଷୟିତ୍ରୀ ସାଗରିକା ଦାଶ ସଭା ପରିଚାଳନା କରିଥିବା ବେଳେ ଶିକ୍ଷକ ବସନ୍ତ ନାଏକ ଧନ୍ୟବାଦ ଅର୍ପଣ କରିଥିଲେ।
For latest news & updates, click on bell button and subscribe to notifications.
http://facebook.com/odiabarta
Join our WhatsApp group to get 24×7 news & views alerts👇
http://bit.ly/OBgroup3
