ନର୍ଲା,୨୧/୫: କଳାହାଣ୍ଡି ଜିଲ୍ଲା ନର୍ଲା ବ୍ଲକ ମାଣ୍ଡେଲ ଠାରେ ଆଜି (ଗୁରୁବାର) ଧାନ ମଣ୍ଡି ଆରମ୍ଭ ହୋଇଛି । ନର୍ଲା ତହସିଲଦାର ମାନସ ରଞ୍ଜନ ତ୍ରିପାଠି ଏବଂ ଯୋଗାଣ ଯୋଗାଣ ଅଧିକାରୀ ସୁଶାନ୍ତ କୁମାର ସ୍ବାଇଁ ଉପସ୍ଥିତ ରହି ମଣ୍ଡିର ଶୁଭ ଉଦଘାଟନ କରିଥିଲେ । ମଣ୍ଡିରେ ଧାନ ବିକିବାକୁ ଆସୁଥିବା ଚାଷୀମାନେ ସାମାଜିକ ଦୁରତ୍ବର ଅନୁପାଳନ କରିବା ସହ ମାସ୍କ ପରିଧାନ କରିବାକୁ ତହସିଲଦାର ଅନୁରୋଧ କରିଥିଲେ । ଏହି ଅବସରରେ ଉପସ୍ଥିତ କୃଷକ ମାନଙ୍କୁ ମାସ୍କ ବଣ୍ଟନ କରିଥିଲେ ତହସିଲଦାର ।
ଆଜି ମଣ୍ଡିରେ ୬ ଜଣ କୃଷକ ପ୍ରାୟ ୩୫୦ କ୍ୟୁଣ୍ଟାଲ ଧାନ ଜମା କରିଛନ୍ତି । ରାମାନୁଜ ଏଗ୍ରୋ ରୁପ୍ରାରୋଡ ଓ କହ୍ନେୟା ଏଗ୍ରୋ ନର୍ଲାରୋଡ ଏହି ମଣ୍ଡିରୁ ଧାନ ଉଠାଇବାକୁ ସ୍ବିକୃତି ପ୍ରାପ୍ତ ହୋଇଛନ୍ତି ।
ମଣ୍ଡି ଉଦଘାଟନ ସମୟରେ ନର୍ଲା ପେକ୍ସ ସଂପାଦକ ବୃନ୍ଦାବନ ବାରିକଙ୍କ ସମେତ ଅଞ୍ଚଳର ଚାଷୀ ରିଚେକର ଦିପ, ଜଗନ୍ନାଥ ଗୌଡ, ଦିଲ୍ଲୀପ ନାଏକ, ସୁଶିଲ ସାହୁ, ନିର୍ମଳ ଦୀପ, ଡମ୍ବରୁ ଗୌଡ ପ୍ରମୂଖ ଉପସ୍ଥିତ ଥିଲେ ।
ନର୍ଲାରୁ ନିରଞ୍ଜନ ଗୌଡଙ୍କ ରିପୋର୍ଟ OdiaBarta.in
Click here to get 24×7 News & Views alerts
http://bit.ly/OBgroup4
Like us on Facebook
https://facebook.com/odiabarta
