କୋରାପୁଟ,୨୦/୭: କୋରାପୁଟ ଜିଲ୍ଲା ନାରାୟଣପାଟଣା ରେଞ୍ଜ ବନ୍ଧୁଗାଁ ବ୍ଲକ ଏମ୍ପାବାଲସା ଅଞ୍ଚଳକୁ ୫ଟି ବଣୁଆ ହାତୀ ପଶି ଆସିଛନ୍ତି । ଖାଦ୍ୟ ସଂଗ୍ରହ ପାଇଁ ଏମାନେ ଜନବସତି ମୁହାଁ ହୋଇଥିବା ଜଣାପଡୁଛି । ୫ ଜଣିଆ ହାତୀ ପଲରେ ଗୋଟେ ଛୁଆ ହାତୀ ଥିବା ଜଣିପଡିଛି । ଗତକାଲି ରାତିଠାରୁ ପୁରା ଅଞ୍ଚଳକୁ ବିଦ୍ୟୁତ ଯୋଗାଣ ବନ୍ଦ କରିଦିଆଯାଇଛି । ବନ ବିଭାଗର ଟିମ୍ ଆଜି ସକାଳୁ ସେଠାରେ ଉପସ୍ଥିତ ରହି ଗତିବିଧି ଉପରେ ନଜର ରଖିଛନ୍ତି । କାଳେ ଖାଦ୍ୟ ପାଇଁ ଗାଁ ମୁହାଁ ନ ହୁଅନ୍ତୁ ସେଥିପ୍ରତି ପ୍ରୟାସ ଜାରି ରହିଥିବା ବିଭାଗୀୟ ଅଧିକାରୀଙ୍କ ତରଫରୁ ସୁଚନା ମିଳିଛି । ପୂର୍ବରୁ ବି ବନ୍ଧୁଗାଁ ବ୍ଲକର ଅଲମଣ୍ଡା ପଞ୍ଚାୟତର ଦିଗୁ ଭତ୍ରାପଲି ଜଙ୍ଗଲରେ ହାତୀପଲ ପ୍ରବେଶ କରି କଦଳୀ ବାଡ଼ ସବୁ ନଷ୍ଟ କରିବାସହ କୁଡିଆ ସବୁ ଭାଙ୍ଗି ଦେଇ ଚାଲି ଯାଇଥିଲା । ଏମାନେ ବର୍ତ୍ତମାନ ପୁଣିଥରେ କାପଲୋଡା ପଞ୍ଚାୟତ ଅଞ୍ଚଳରେ ପ୍ରବେଶ କରିଥିବାରୁ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।