କଳାହାଣ୍ଡି,୨୨/୭: ଶ୍ରାବଣ ଚାଲିଛି କିନ୍ତୁ କ୍ଷେତରେ ପାଣି ନାହିଁ । ବର୍ଷା ବିନା ଜମି ଫାଟି ଆଁ କଲାଣି । ତଳିଘାରି ଶୁଖି ଯାଉଥିବାବେଳେ ଲଗାଇଥିବା ତଳି ମରିବାକୁ ବସିଲାଣି । ଏବେ ବର୍ଷାକୁ ନେଇ ଚିନ୍ତାରେ କଳାହାଣ୍ଡିର ଚାଷୀ । ଜିଲ୍ଲାର ଅଣ ଜଳସେଚିତ ଅଞ୍ଚଳର ଚାଷୀ ମୁଣ୍ଡରେ ହାତ ଦେଇ ବସିଛି । ଏବର୍ଷ କଳାହାଣ୍ଡିରେ ଭଲ ବର୍ଷା ହୋଇ ନଥିବା ବେଉଷଣ କାମ ପୁରାପୁରି ଠପ୍ ହୋଇଯାଇଛି । ଯେଉଁ କେତେକ ସ୍ଥାନରେ ତଳି ରୁଆ ହୋଇଥିଲା ସେଠାରେ ଏବେ ବର୍ଷା ଅଭାବରୁ ଜମି ଫାଟି ଆଁ କଲାଣି । ବିଶେଷ କରି‌ ଜିଲ୍ଲାର କର୍ଲାମୁଣ୍ଡା, ମ.ରାମପୁର ଓ ନର୍ଲା ବ୍ଳକର ଅଣଜଳସେଚିତ ଜମିରେ ହୋଇଥିବା ଧାନ ଚାଷ ନଷ୍ଟ ହେବାକୁ ବସିଲାଣି । ଆଗକୁ ଭଲ ବର୍ଷା ନହେଲେ ମରୁଡି ପରିସ୍ଥିତି ସୃଷ୍ଟି ହୋଇପାରେ ବୋଲି ଆଶଙ୍କା ସୃଷ୍ଟି ହୋଇଛି ।