ତାକୁ ଯନ୍ତର ମନ୍ତର ରେ
ଆନ୍ନାହଜାରେଙ୍କ ପରି ସାତଦିନ
ଅନଶନରେ ବସିବାକୁ କହିଲେ
ହସି ହସି ବସିଯିବ ।
ପ୍ରେମିକାକୁ ବାହାହେଇ ନପାରି
ନିସଙ୍ଗ ଜୀବନ ଜିଇଁବାକୁ ପଡିଲେ
ସହଜରେ ସହିଯିବ ।
କିନ୍ତୁ ହାତରୁ ମୋବାଇଲ
ଓ ମୋବାଇଲ ରୁ ଫେସବୁକ
ହୁଆଟ୍ସଆପ, ଇନଷ୍ଟୋଗ୍ରାମ,
ୟୁଟୁବ, ଟୁଇଟର୍ ଛଡେଇ ନେଲେ
ପାଣିରୁ ମାଛକୁ ବାହାର କଲା ପରି
ଛଟପଟ ହେଇ ମରି ଯିବ
ଛଟପଟ ହୋଇ ମରିଯିବ ।।
ପିଲାଟି ପରିକ୍ଷାରେ ଫେଲ ହେଲେ
ଆର ବର୍ଷକୁ ଦେଇ ହବ
ଯାତ୍ରୀ ବସ ଫେଲ ହେଲେ
ପଛ ବସରେ ଚାଲିଯିବ
ବ୍ୟକ୍ତିର ହାର୍ଟ ଫେଳ ହେଲେ
ଜିଭତଳେ ସର୍ବିଟେଟ ଔଷଧ ଦେଇ
ପ୍ରକୃତିସ୍ଥ କରିହେବ
କିନ୍ତୁ ନେଟ୍ ଫେଳ ହେଳେ ?
ଦୁନିଆଁ ଅନ୍ଧାର ହେଇ ଯିବ
ଦୁନିଆଁ ଅନ୍ଧାର ହେଇ ଯିବ।।
ଏଠି ଅଝଟ ଛୁଆକୁ ଆ ଜହ୍ନ ମାମୁଁ ସରଗ ଶଶି କହି ବୁଝେଇ ହୋଉନି
କି ବୁଢି ଅସୁରୁଣୀର ଗପ କହି
ଭୁତେଇ ହୋଉନି ।
ବରଂ କମ୍ପୁଟରର ପାସୱାର୍ଡ
ବଦଳେଇ ଦେବି କହିଲେ
ପିଲା ସାଙ୍ଗେ ସାଙ୍ଗେ ବୁଝିଯିବ
ପିଲା ସାଙ୍ଗେ ସାଙ୍ଗେ ବୁଝିଯିବ।।
ଘୁରିବୁଲୁ ବ୍ରହ୍ମ ବିଭ୍ରାଟ ଫଟୋଚିତ୍ର
ଭାଏରାଲ ହେଉ ଝିଅବହୂଙ୍କ ନଗ୍ନ
ଭିଡିଓ ଏ ମୋବାଇଲରୁ
ସେ ମୋବାଇଲକୁ
ଳିକ୍ ହେଉ ଓଟିଇଟି ପ୍ରଶ୍ନ ପତ୍ର
ଗେମ୍ ପଛରେ ଗୋଡ଼େଇ
ଆତ୍ମହତ୍ୟା କରନ୍ତୁ ଅନେକ ଯୁବକ
ସେଲ୍ଫି ନେଉ ନେଉ ପଛେ
ଖସି ପଡୁ ଖୁବ୍ ତଲକୁ ।
ଗାଡି ଚଳେଇଳା ବେଳେ
ଘଟିଯାଉ ଦୁର୍ଘଟଣା ।
ଘରେ ଅଟା ଓଳିଏ ନଥିଲେ ଚଳିଯିବ
ଡାଟା ସବୁ ବେଳେ ରହୁଥିବ
ଡାଟା ସବୁ ବେଳେ ରହୁଥିବ ।।
ସହକାରୀ ଶିକ୍ଷକ, ଉଚ୍ଚ ବିଦ୍ୟାଳୟ କୁମଯୋର
-ଘଣ୍ଟିଗୁଡ଼ା, ଜୟପାଟଣା ,କଳାହାଣ୍ଡି
For latest news & views update
Click on bell button and subscribe to notifications.
Like us on facebook
Subscribe us on youtube
http://youtube.com/channel/UCdoWrXFOsGOd7dzWwMFwFrQ
