ରାମନାଗୁଡା/ବିଷମ କଟକ, (ଦିଲୀପ କୁମାର ପଣ୍ଡା): ରାୟଗଡା ଜିଲ୍ଲା ବିଷମକଟକ ବ୍ଳକ ଅନ୍ତର୍ଗତ ଚାଟିକଣା ଠାରେ ହିଟାଚି ଏଟିଏମ୍ ଉଦ୍ଘାଟିତ ହୋଇଯାଇଛି। ଏହାଫଳରେ ବିଭିନ୍ନ ବ୍ୟାଙ୍କ ଶାଖାର ଗ୍ରାହକଙ୍କ ସ୍ୱପ୍ନ ବହୁଦିନ ପରେ ସାକାର ହୋଇଛି। ଦୀର୍ଘ ଦିନ ଧରି ଗ୍ରାହକମାନଙ୍କୁ ବିଷମ କଟକ ସଦର ଏଟିଏମ ଉପରେ ନିର୍ଭର କରିବାକୁ ପଡୁଥିଲା। ବର୍ତ୍ତମାନ ଚାଟିକଣା ଠାରେ ହିଟାଚି ତରଫରୁ ଏଟିଏମ ଭାରତୀୟ ଷ୍ଟେଟ ବ୍ୟାଙ୍କ ଶାଖା ପରିଚାଳକ ଶିବ କୁମାର ମେହେରଙ୍କ ଦ୍ଵାରା ଉଦଘାଟିତ କରାଯାଇଛି। ଯାହା ଫଳରେ ୬ ଟି ପଂଚାୟତର ଆଦିବାସୀ ଡଙ୍ଗରିଆ ଉପକୃତ ହୋଇପାରିବେ ବୋଲି ଜଣାପଡ଼ିଛି। ଏଣୁ ସ୍ଥାନୀୟ ଅଞ୍ଚଳରେ ଖୁସିର ଲହରୀ ଖେଳିଯାଇଛି।
