କୋକସରା: ନେହେରୁ ଯୁବ କେନ୍ଦ୍ର କଳାହାଣ୍ଡି ଓ ନେତାଜୀ ଯୁବକ ସଙ୍ଘ ମାଝୀ ଗୁଡା ମିଳିତ ଆନୁକୂଲ୍ୟରେ ମାଝୀଗୁଡା ପୋଲକ ଡ଼ଙ୍ଗର ଠାରେ “ସ୍ୱଚ୍ଛ ଗ୍ରାମ ସବୁଜ ଗ୍ରାମ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ରାଷ୍ଟ୍ରୀୟ ଯୁବ ସ୍ବେଛାସେବୀ ଚରଣ ସିଂ ବାଗ, ଦୁର୍ମାନ୍ୟ ଶବର, କୋପ୍ନେଶ୍ଵର ବେମାଲଙ୍କ ତତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ଧର୍ମଗଡ଼ ବିଧାୟକ ମୌସଧି ବାଗ ମୁଖ୍ୟ ଅତିଥି ଭାବେ ଯୋଗ ଦେଇ ଜଙ୍ଗଲ ସୁରକ୍ଷା, ବୃକ୍ଷ ରୋପଣ, ପରିବେଶ ସଫା ରଖିବା ବିଷୟରେ ଗୁରୁତ୍ୱ ଦେବାକୁ ବାର୍ତା ପ୍ରଦାନ କରିଥିଲେ।
ଏହି ଅବସରରେ ମାଝୀଗୁଡା ପୋଲକ ଡ଼ଙ୍ଗର ଠାରେ ଅତିଥି ମାନଙ୍କ ଦ୍ୱାରା ବୃକ୍ଷ ରୋପଣ କାର୍ଯ୍ୟକ୍ରମ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ନେତାଜୀ ଯୁବକ ସଙ୍ଘ ସଭାପତି ଧନେଶ୍ୱର ନାଗ, ସମ୍ପାଦକ ପରମେଶ୍ୱର ପାଣିଗ୍ରାହୀ, ଯୁବ ସ୍ବେଛାସେବୀ ଲୋକେଶ୍ୱର ବାଗ, ଉପେନ୍ଦ୍ର କୁଲଦୀପ, ଧନସିଂ ବାଗ, ଏବଂ ଅନୁଷ୍ଠାନ ର ସଦସ୍ୟ ମାନେ ସହଯୋଗ କରିଥିଲେ।
