ରାୟଗଡ, (ଶିବ ନାରାୟଣ ଗୈାଡ): ରାୟଗଡ ଅଗ୍ନିଶମ କେନ୍ଦ୍ର ପକ୍ଷରୁ ନିଆଁଜନୀତ ଦୁର୍ଘଟଣାକୁ କିପରି ନିର୍ବାପନ କରାଯିବ ସେ ନେଇ ଏକ ମକଡ୍ରିଲ ଆଜି ରେଳବାଇ ଷ୍ଟେସନ ସମ୍ମୁଖ ରିକ୍ସା ଷ୍ଟାଣ୍ଡ ଠାରେ ପ୍ରଦର୍ଶିତ ହୋଇଥିଲା । ଏହି ମକଡ୍ରିଲରେ ରେଳବାଇ ପୋଲିସ ସୁରକ୍ଷା ବଳ (ଆରପିଏଫ), ସରକାରୀ ରେଳବାଇ ପୋଲିସ (ଜିଆରପିଏସ)ଙ୍କ ସମେତ ସିଏନଡବ୍ଳ୍ୟୁ ଷ୍ଟାଫ୍, ରେଳବାଇ ଅଧିକାରୀ ଓ କର୍ମଚାରୀ ଏବଂ ସାଧାରଣ ଜନତା ପ୍ରମୁଖ ଉପସ୍ଥିତ ରହିଥିଲେ । ଅଗ୍ନିଶମ କେନ୍ଦ୍ରର ହାବିଲଦାର ତଥା ମୁଖ୍ୟ ଆଗ୍ନିକ ୱାଇ.ହୃଷିକେଶ ଅଙ୍ଗାରଜାତୀୟ, ତୈଳ ଓ ଗ୍ୟାସଜାତୀୟ ନିଆଁ ଲିଭା ପ୍ରଣାଳୀ ଉପରେ ମକଡ୍ରିଲ୍ ପ୍ରଦର୍ଶିତ କରିବା ସହ ନିଆର ପ୍ରକାର ଭେଦ ଉପରେ ଆଲୋକପାତ କରାଇଥିଲେ ।
ଏହି କାର୍ଯ୍ୟକ୍ରମରେ ଆରପିଏଫ ଥାନା ଅଧିକାରୀ ଶ୍ରୀ ପଙ୍କଜ,ଜିଆରପିଏସ ଡିଏସପି ଦେବେନ୍ଦ୍ରନାଥ ପେଙ୍ଗୁଆ, ଜିଆରପି ଥାନ ଅଧିକାରୀ ସନ୍ତୋଷ କୁମାର ମିର୍ଦ୍ଦା ପ୍ରମୁଖ ଉପସ୍ଥିତ ରହିଥିବା ବେଳେ ଅଗ୍ନିଶମ କେନ୍ଦ୍ରର ଆଗ୍ନିକ ରମାକାନ୍ତ ବେହେରା, ଜି.ଇଶ୍ୱର ରାଓ,ଅନୀଲ ସେଠୀ ଓ ରାକେଶ କୁମାର ସେଠୀ ପ୍ରମୁଖ ମକଡ୍ରିଲରେ ଅଂଶଗ୍ରହଣ କରିଥିଲେ । ଅଗ୍ନିଶମ କେନ୍ଦ୍ର ପକ୍ଷରୁ ପ୍ରଦର୍ଶତ ମକଡ୍ରିଲକୁ ଦେଖିବା ପରେ ରେଳବାଇ ଅଂଚଳରେ କେଉଁ ସ୍ଥାନରେ ନିଆ ଲାଗିଲେ ମଧ୍ୟ ଧେର୍ଯ୍ୟ ଓ ସାହସିକତା ସହ ନିଆଲିଭା ପ୍ରଣାଳୀ ପ୍ରକାରେ ନିଆଁକୁ ଆୟତ କରି ଧନଜୀବନ ରକ୍ଷା କରିବା ପାଇଁ ସମସ୍ତେ ଆଗେଇ ଆସିବୁ ବୋଲି ଜିଆରପିଏସ ଓ ଆରପିଏଫ ପୋଲିସ ପକ୍ଷରୁ ପ୍ରକାଶ କରାଯାଇଥିଲା ।
