କଳାହାଣ୍ଡି, (ନରୋତ୍ତମ ସେଲମା): କର୍ଲାମୁଣ୍ଡା ବ୍ଲକର ରିଷିଡା ପଂଚାୟତ ସଭାଗୃହ ଠାରେ ଆଜିଠାରୁ ତିନିଦିନିଆ ଛତୁଚାଷ ତାଲିମ ଶିବିର ଆରମ୍ଭ ହୋଇଛି। ଉଦ୍ୟାନକୃଷି ବିଭାଗ ପକ୍ଷରୁ ଆୟୋଜିତ ଏହି ତାଲିମ ଶିବିରରେ ଏହି ବ୍ଲକର ରିଷିଡା, ତେରେସିଙ୍ଗା, କର୍ଲାମୁଣ୍ଡା, ଗଜବାହାଲ ଓ ପୌରକେଲା ପଂଚାୟତର ମହିଳା ସ୍ୱୟଂ ସହାୟକ ଗୋଷ୍ଠୀର ୩୮ ଜଣ ମହିଳା ଚାଷୀ ଭାଗ ନେଇଛନ୍ତି।
ତାଲିମ ଦାତା ଭାବେ କୃଷିବିଜ୍ଞାନୀ ମଧୁମିତା ଜେନା, ଭବାନୀପାଟଣା ସହକାରୀ ଉଦ୍ୟାନ ଅଧିକାରୀ ଚିତ୍ତରଞ୍ଜନ ମଲ୍ଲିକ ଓ ଗ୍ରାମ୍ୟ କୃଷି କର୍ମୀ ପିତାମ୍ବର ମାଝୀ ତାଲିମ ଦେଉଥିବାବେଳେ ଉଦ୍ୟାନ ବିଭାଗ ଓଭରସିଅର ପୂର୍ଣଚନ୍ଦ୍ର ଭୂଇଁଆ ଓ ଉଦ୍ୟାନ ସମ୍ପ୍ରସାରଣ କର୍ମୀ ଟିକୁନୁ ସାହୁ ଶିବିର ପରିଚାଳନା କରୁଛନ୍ତି।
