ଓଡିଆ ବାର୍ତ୍ତା/ କେସିଙ୍ଗା (ମଧୁସୂଦନ ଠାକୁର): କଳାହାଣ୍ଡି ଜିଲ୍ଲା କେସିଙ୍ଗା ପୋଲିସ କୁର୍ଲୁପଡ଼ାରୁ ପ୍ରାୟ ୧୦ କେଜି ଗଞ୍ଜେଇ ସହ କର୍ଣ୍ଣାଟକ ରାଜ୍ୟର ଦୁଇ ଜଣ ଓ କୁର୍ଲୁପଡ଼ାର ଜଣେ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଆକବର ପାସା(୩୮), ଦସତାହାଙ୍ଗିର (୩୭) ଓ ଇଶ୍ଵର ତାଣ୍ଡି (୨୮)।ସୂଚନା ଅନୁଯାଇ କର୍ଣ୍ଣାଟକ ରାଜ୍ୟରୁ ଦୁଇ ଜଣ ଓ କେସିଙ୍ଗା କୁର୍ଲୁ ପଡ଼ାରୁ ଜଣେ ବୋଲି ସୂଚନା ଦେଇଛି ପୋଲିସ। ଅଭିଯୁକ୍ତମାନେ କେସିଙ୍ଗା ନିକଟସ୍ଥ କୁର୍ଲୁପଡ଼ାରୁ ଗଞ୍ଜେଇ ନେଇ କର୍ଣ୍ଣାଟକ ରେଳ ଯୋଗେ ଯିବାପାଇଁ ବାହାରୁଥିଲା ବେଳେ ପୋଲିସ ପହଞ୍ଚି ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି। ଆଜି ପୋଲିସ ସେମାନଙ୍କ ଠାରୁ ୯କେଜି ୯୦୦ ଗ୍ରାମ ଗଞ୍ଜେଇ, ଗୋଟିଏ ମୋବାଇଲ ଫୋନ୍, ଦୁଇ ଟି ଆଧାର କା୍ଡ ଓ ଗୋଟିଏ ଏଟିଏମ୍ ଜବତ କରିଛି। ଗିରଫ ଅଭିଯୁକ୍ତ ମାନଙ୍କୁ ସନ୍ଧ୍ୟା ୬ ଟା ବେଳେ କୋର୍ଟ ଚାଲାଣ କରିଥିବା ବେଳେ ପିଟିସନ ନା ମଞ୍ଜୁର ହେଇଥିବା ଜଣାପଡିଛି।
