ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ବହୁଜନ ସମାଜବାଦୀ ପାର୍ଟିର ମୁଖ୍ୟ ମାୟାବତୀ କୌଣସି ମେଣ୍ଟରେ ସାମିଲ ନହେବା ନେଇ ଚର୍ଚ୍ଚା ଜୋର ଧରିଥିଲା। ଏହି ସମୟରେ ମାୟାବତୀ ବୁଧବାର ଲୋକସଭା ନିର୍ବାଚନ ସମ୍ପର୍କରେ ଏକ ବଡ଼ ଘୋଷଣା କରିଛନ୍ତି। ସେ କହିଛନ୍ତି ଯେ ବହୁଜନ ସମାଜବାଦୀ ପାର୍ଟି ୨୦୨୪ରେ ସେ କୌଣସି ଦଳ ସହ ମେଣ୍ଟ ନକରି ଏକାକୀ ନିର୍ବାଚନ ଲଢିବେ। ସେ ବିରୋଧୀଙ୍କୁ ଟାର୍ଗେଟ କରି କହିଛନ୍ତି ଯେ ବିରୋଧୀ ଦଳ କ୍ଷମତାକୁ ଆସିବାର ସ୍ୱପ୍ନ ଦେଖୁଛନ୍ତି। ବିରୋଧୀ ଦଳମାନେ ମେଣ୍ଟ କରୁଛନ୍ତି। ଏନଡିଏ ଓ ଇଣ୍ଡିଆ ମଧ୍ୟରେ କିଛି ପାର୍ଥକ୍ୟ ନାହିଁ ।
କଂଗ୍ରେସ ଉପରେ ଆକ୍ରମଣ କରି ମାୟାବତୀ କହିଛନ୍ତି ଯେ କ୍ଷମତାକୁ ଆସିବା ପାଇଁ କଂଗ୍ରେସସେ ଜାତିବାଦ ଦଳ ଏବଂ ପୁଞ୍ଜିବାଦ ଶକ୍ତି ସହ ମେଣ୍ଟ କରିବାକୁ ଆଗ୍ରହ ଦେଖାଉଛି। କିନ୍ତୁ ଆମେ ନିଜେ ଲୋକସଭା ଏବଂ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବୁ। ବିଏସପି ସୁପ୍ରିମୋ କେବଳ ରାଜସ୍ଥାନ, ମଧ୍ୟପ୍ରଦେଶ, ଛତିଶଗଡ, ତେଲେଙ୍ଗାନାରେ ନିର୍ବାଚନ ଲଢିବା ବିଷୟରେ କହିଛି। ଏହା ବ୍ୟତୀତ ସେ କହିଛନ୍ତି ଯେ ପଞ୍ଜାବ ଏବଂ ହରିୟାଣାରେ ଆମେ ସାଥୀ ଦଳ ସହ ନିର୍ବାଚନ ଲଢିବୁ।
ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବା ବେଳେ ମାୟାବତୀ କହିଛନ୍ତି ଯେ ଲୋକସଭା ନିର୍ବାଚନ ତାରିଖ ପାଖେଇ ଆସୁଛି। ଏହି ପ୍ରସଙ୍ଗରେ ସମସ୍ତ ଦଳ ଏକ ବୈଠକ କରୁଛନ୍ତି। ଶାସକ ଦଳ ଏନଡିଏ ବିଭିନ୍ନ ଯୁକ୍ତି ଦେଉଛି। ଶାସକ ଦଳର କଥା ଓ କାର୍ଯ୍ୟ ମଧ୍ୟରେ ଅଧିକ ପାର୍ଥକ୍ୟ ନାହିଁ। ଜନସାଧାରଣଙ୍କୁ ଦିଆଯାଇଥିବା ଅଧିକାଂଶ ପ୍ରତିଶ୍ରୁତି ପୁରଣ ହେଉନାହିଁ। ଶାସକ ଦଳକୁ ପରାସ୍ତ କରିବା ପାଇଁ ଏକ ବିରୋଧୀ ଦଳ ମେଣ୍ଟ କରୁଛି। କ୍ଷମତାରେ ଥିବା ଏନଡିଏ ଓ ବିରୋଧୀ ମେଣ୍ଟଠାରୁ ବହୁଜନ ସମାଜବାଦୀ ପାର୍ଟି ସମାନ ଦୂରତା ରକ୍ଷା କରି ନିର୍ବାଚନ ଲଢିବ। ମାୟାବତୀ କହିଛନ୍ତି, ଲୋକସଭା ନିର୍ବାଚନ ଓ ତା ପୂର୍ବରୁ ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ ବିଧାନସଭା ନିର୍ବାଚନରେ ଦଳ ଆଞ୍ଚଳିକ ଦଳମାନଙ୍କ ସହ ମେଣ୍ଟ କରି ନିର୍ବାଚନ ଲଢିବ।
