ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଲକରେ ଆଜି ମଧ୍ୟାହ୍ନରେ ଜୋର ଝଡ଼ ତୋଫାନ ହୋଇଥିଲା l ଅଞ୍ଚଳରେ ବିଭିନ୍ନ ସ୍ଥାନରେ ଅନେକ କ୍ଷୟକ୍ଷତି ହୋଇଥିବା ଆଶଙ୍କା କରାଯାଉଛି l ଝଡ଼ ତୋଫାନ ଫଳରେ ବରାଡ଼ଙ୍ଗା ପଞ୍ଚାୟତ ସିଉନି ଉଚ୍ଚ ପ୍ରାଥମିକ ବିଦ୍ୟାଳୟର ଛାତ ଉପୁଡିଛି l ଆମ ଓଡିଶା ନବୀନ ଓଡିଶା ଯୋଜନାରେ ତିନିଲକ୍ଷ୍ୟ ପଚାଶ ହଜାର ଅନୁଦାନରେ ହୋଇଥିବା ବିଦ୍ୟାଳୟ ରୂପାନ୍ତରଣ କାମ ନିମ୍ନ ମାନର ହୋଇଥିବା ଓ ଆଜବେଷ୍ଟ ଉପରେ ମୁଣ୍ଡକାରୀ ଦେଇନଥିବା ଯୋଗୁଁ ଏଭଳି ହୋଇଥିବା ଲୋକେ କହିଛନ୍ତି l ତେବେ କାଳ ବୈଶାଖୀ ଯୋଗୁଁ ରାସ୍ତାକଡରେ ଗଛ ଗୁଡିକ ଭାଙ୍ଗି ପଡ଼ିଥିବା ଓ ଅଞ୍ଚଳରେ ଅନେକ କ୍ଷୟକ୍ଷତି ହୋଇଥିବା ଜଣା ପଡିଛି l
