ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୁବର୍ଣ୍ଣପୁର ପ୍ରାଣୀ ସମ୍ପଦ ବିକାଶ ବିଭାଗ ଦ୍ବାରା ରାଜ୍ୟ ସ୍ତରୀୟ ଗୋ ପୂଜନ ଓ ଗୋ ସମ୍ବର୍ଦ୍ଧନା ସମାରୋହ ୨୦୨୫ ସୋନପୁର ସ୍ଥିତ ମ୍ୟୁନିସିପାଲଟି କଲ୍ୟାଣ ମଣ୍ଡପ ଠାରେ ଜିଲ୍ଲାପାଳ ଡ଼. ନୃପରାଜ ସାହୁ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଉକ୍ତ ଉତ୍ସବରେ ମୁଖ୍ୟ ଅତିଥି ତଥା ଉଦ୍ଘାଟକ ଭାବରେ ଇଂ ରଘୁନାଥ ଜଗଦଲା, ବିଧାୟକ, ବୀରମହାରାଜପୁର ଯୋଗ ଦେଇଥିଲେ । ଅନ୍ୟତମ ସମ୍ମାନିତ ଅତିଥି ଭାବରେ ସୋନପୁର ପୌର ପରିଷଦ ର ଅଧ୍ୟକ୍ଷା ତାମସୀ ତମସ୍ମିତା ନାୟକ, ଭୁବନେଶ୍ୱର ଓଡ଼ିଶା ରାଜ୍ୟ କୃଷକ ବିକାଶ ସମବାୟ ସମିତି ଅଧ୍ୟକ୍ଷ ଅମିୟ କୁମାର ପଟ୍ଟନାୟକ, ସାଧାରଣ ପରିଚାଳକ ଓମଫେଡ ଡ଼. ସରୋଜ କୁମାର ସାହୁ, ଜିଲ୍ଲା ମୁଖ୍ୟ ଜନ ସ୍ବାସ୍ଥ୍ୟ ଅଧିକାରୀ ସୁବର୍ଣ୍ଣପୁର ଡ଼. ଦୁର୍ଗାଦତ୍ତ ଦାସ ଓ ମୁଖ୍ୟବକ୍ତା ଭାବରେ ଡ଼. ଶଙ୍କର୍ଷଣ ମାହୁନ୍ତ, ଉପ ଜିଲ୍ଲା ପ୍ରାଣୀ ଚିକିତ୍ସା ଅଧିକାରୀ ସୁବର୍ଣ୍ଣପୁର ଯୋଗ ଦେଇଥିଲେ। ଗୋପାଳନ କ୍ଷେତ୍ରରେ ଯେମିତି ଅଧିକରୁ ଅଧିକ ଚାଷୀ ଲାଭବାନ ହେବା ସହିତ ଆତ୍ମ ନିର୍ଭର ହୋଇପାରିବେ ସେ ଦିଗରେ ସରକାର ଅଧିକ ଗୁରୁତ୍ଵ ଦେଉଥିବା ବିଧାୟକ ପ୍ରକାଶ କରିଥିଲେ । ରାଜ୍ୟ ସ୍ତରୀୟ ଗୋ ସମ୍ବର୍ଦ୍ଧନା ପାଇଁ ସୁବର୍ଣ୍ଣପୁର ଜିଲ୍ଲାକୁ ସରକାର ଚୟନ କରିଥିବାରୁ ଏହା ଆମ ସୁବର୍ଣ୍ଣପୁର ଜିଲ୍ଲା ର ଗୋ ଚାଷୀଙ୍କୁ ଆହୁରି ଉତ୍ସାହିତ କରିବ ବୋଲି ଜିଲ୍ଲାପାଳ ପ୍ରକାଶ କରିଥିଲେ । ଆବାହକ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ , ସୁବର୍ଣ୍ଣପୁର ଡ଼ା. ରଞ୍ଜନ କୁମାର ଦାସ, ସୁବର୍ଣ୍ଣପୁର ଜିଲ୍ଲାରେ ମୁଖ୍ୟମନ୍ତ୍ରୀ କାମଧେନୁ ଯୋଜନା ମାଧ୍ୟମରେ ସୁବର୍ଣ୍ଣପୁର ଜିଲ୍ଲାରେ ରୋଜଗାର ବୃଦ୍ଧି ସହିତ ଦୁଗ୍ଧ ଉତ୍ପାଦନ ଦ୍ଵିଗୁଣିତ କରାଯାଇ ପାରିବ ବୋଲି ପ୍ରକାଶ କରିଥିଲେ ।ଏହି ଉତ୍ସବ ଉପଲକ୍ଷେ ଏକ ଗାଈ ଓ ବାଛୁରୀ ପ୍ରଦର୍ଶନୀ, ଗୋ ପୂଜନ, ପ୍ରସଙ୍ଗିକ କୃଷକ ବୈଜ୍ଞାନିକ ଆଲୋଚକ ଚକ୍ର ଅନୁଷ୍ଠିତ ହୋଇଥିଲା । ଏହି ଅବସରରେ ଜିଲ୍ଲାରେ ସଫଳ ଅନେକ ଗୋ ଚାଷୀ ଙ୍କୁ ପୁରସ୍କୃତ କରାଯାଇଥିଲା । ଶେଷରେ ସାଂସ୍କୃତିକ କାର୍ଯକ୍ରମ ଅନୁଷ୍ଠିତ ହୋଇଥିଲା । ସମଗ୍ର ଜିଲ୍ଲାରୁ ୩୦୦ ରୁ ଉର୍ଦ୍ଧ୍ବ ଚାଷୀ ଯୋଗ ଦେଇଥିଲେ । ସଭାକୁ ଡ଼. ପ୍ରିୟବ୍ରତ ବେହେରା ଓ ଡ଼. ସୁବ୍ରତ ପୁରୋହିତ ପରିଚାଳନା କରିଥିବା ବେଳେ ସଭାକୁ ଡ଼.ସୁଧୀର କୁମାର ପଣ୍ଡା, ଡ. ମୃତ୍ୟୁଞ୍ଜୟ ମହାନ୍ତି,ଡ.ଶ୍ୟାମ ସୁନ୍ଦର ପାଣ୍ଡେ ,ଡ଼. ଝାସକେତନ ପଶାୟତ, ଡ. ସୁଭାକାଂକ୍ଷୀ ବେହେରା, ଦେବେନ୍ଦ୍ର ସାହୁ, ଚିନ୍ମୟ ଭୁକ୍ତା, ମନୋରଞ୍ଜନ ହୋତା ସହଯୋଗ କରିଥିଲେ।
