ଓଡ଼ିଆ ବାର୍ତ୍ତା/ ଜୟପାଟଣା (ଧନେଶ୍ଵର ପୁଞ୍ଜି): କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଅଁଳାଭଟ୍ଟା ଗ୍ରାମ ପଞ୍ଚାୟତ ଅନ୍ତର୍ଗତ ପୋଡାଖୋଲ ଗ୍ରାମରେ ଭାଲୁ ର ପ୍ରାଦୁର୍ଭାବ ବଢ଼ି ଯାଇଛି। ସୋମବାର ସକାଳେ ନିଜ ଚାଷ ଜମିରେ ଛେଲି ଚରାଇବାକୁ ଯାଇଥିବା ଜନୈକ ଯୁବକ ଗୋପାଳ ମାଝୀ (୪୫) ଭାଲୁ ଆକ୍ରମଣ ର ଶିକାର ହୋଇଛନ୍ତି। ଗୋଟିଏ ଭାଲୁ ଆସି ଗୋପାଳଙ୍କ ଦୁଇ ଗୋଡ଼ ରକ୍ତାକ୍ତ କରିଦେଇଥିବା ବେଳେ ଗ୍ରାମର କିଛି ଲୋକ ଭାଲୁ ହାବୁଡରୁ ଗୋପାଳକୁ ଉଦ୍ଧାର କରିବା ସହ ତୁରନ୍ତ ଚିକିତ୍ସା ପାଇଁ ଜୟପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ। ଜୟପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଗୋପାଳଙ୍କ ପ୍ରାଥମିକ ଚିକିତ୍ସା କରିଯାଇ ଗୁରୁତର ଥିବାରୁ ଭବାନୀପାଟଣା ସ୍ଥିତ ଜିଲ୍ଲା ମୁଖ୍ୟ ଚିିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିବା ସୁଚନା ମିଳିଛି।
