ରାୟଗଡ, (ଶିବ ନାରାୟଣ ଗୈାଡ): ରାୟଗଡ ଜିଲ୍ଲାରେ ମହିଳାଙ୍କୁ ସୁରକ୍ଷା ଦେବା ନେଇ ରାୟଗଡ ଜିଲ୍ଲା ପୋଲିସ ଆଉ ଦୁଇପାଦ ଆଗେଇ ଯାଇଛି । ବିଶ୍ବ ମହିଳା ଦିବସ ଅବସରରେ ଓଡିଶା ପୋଲିସର ରାୟଗଡ ଜିଲ୍ଲା ପୋଲିସ ତରଫରୁ ମହିଳା ସୁରକ୍ଷା ପେଟ୍ରୋଲିଂ ଗାଡିର ଶୁଭାରମ୍ଭ କରାଯାଇଛି । ଏହି ମହିଳା ପେଟ୍ରୋଲିଂ ଗାଡିରେ ରେ ମହିଳା ପୋଲିସ ଅଧିକାରୀ ଓ କର୍ମଚାରୀ ମାନେ ଦାୟିତ୍ବରେ ରହିବେ । ରାୟଗଡ ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମା ସବୁଜ ପତାକା ଦେଖାଇ ଏହି ଗାଡିର ଆଜି ଶୁଭ ଉଦଘାଟନ କରିଛନ୍ତି ।
ରାୟଗଡା ସହରର ବିଭିନ୍ନ ସ୍କୁଲ, କଲେଜ ସମେତ ବିଭିନ୍ନ ସ୍ପର୍ଶକାତର ଅଞ୍ଚଳରେ ମହିଳାମାନଙ୍କୁ ହଇରାଣ କରୁଥିବା ଅସାମାଜିକ ଲୋକଙ୍କ ଠାରୁ ସୁରକ୍ଷା ଯୋଗାଇବା ପାଇଁ ପେଟ୍ରୋଲିଂ କରାଯିବ । ଏହା ସମେତ ରାତ୍ରୀକାଳରେ ମହିଳା ଯାତ୍ରୀ ମାନଙ୍କୁ ସୁରକ୍ଷା ଦେବା ସହ ସେମାନଙ୍କୁ ନିଜ ନିଜ ଘରେ ଛାଡିବାରେ ମଧ୍ୟ ସହାୟକ ହେବ ବୋଲି ଏସ.ପି. ଶ୍ରୀ ଶର୍ମା ପ୍ରକାଶ କରିଛନ୍ତି ।
