ରାୟଗଡ, (ଶିବ ନାରାୟଣ ଗୈାଡ): ରାୟଗଡ ବନଖଣ୍ଡ ଅଧିକାରୀ ଭାବେ ଓଡିଶା ବନ ସେବା (ବରିଷ୍ଠ ବର୍ଗ) ବିଜୟ କୁମାର ପରିଡା ନୂତନ ବନଖଣ୍ଡ ଅଧିକାରୀ ଭାବେ ଆଜି ଦାୟିତ୍ୱ ଗ୍ରହଣ କରିଛନ୍ତି । ତତ୍କାଳୀନ ବନଖଣ୍ଡ ଅଧିକାରୀ ଅଶ୍ୱିନ କୁମାର କରଙ୍କୁ କଳାହାଣ୍ଡି ଜିଲ୍ଳା ଭବାନୀପାଟଣା ସର୍କଲର ଆଂଚଳିକ ମୁଖ୍ୟ ବନ ସଂରକ୍ଷକ ଭାବେ ବଦଳି ହୋଇଥିଲା । ତେବେ କିଛି ଦିନ ଧରି ଖାଲି ପଡିଥିବା ପଦବୀକୁ ସହକାରୀ ବନ ସଂରକ୍ଷକ ନିତ୍ୟାନନ୍ଦ ନାୟକ ଅତିରିକ୍ତ ଭାରପ୍ରାପ୍ତ ଦାୟିତ୍ୱ ତୁଲାଇ ଆସୁଥିବା ବେଳେ ଆଜି ବନଖଣ୍ଡ ଅଧିକାରୀ ଶ୍ରୀ ପରିଡାଙ୍କୁ ଦାୟିତ୍ୱ ହସ୍ତାନ୍ତର କରିଥିଲେ । ରାୟଗଡ ଜିଲ୍ଳାରେ ଥିବା ବନାଚଂଳଗୁଡିକରେ ସଚେତନତା କାର୍ଯ୍ୟକ୍ରମଗୁଡିକୁ ବ୍ୟାପକ କରାଯାଇ ଜଙ୍ଗଲର ସୁରକ୍ଷା ଓ ତାହାର ଯତ୍ନ ସହ ନୂତନ କୃତ୍ରିମ ଜଙ୍ଗଲଗୁଡିକ ସୃଷ୍ଟି କରିବା ଉପରେ ଗୁରୁତ୍ୱ ଦିଆଯିବ ବୋଲି ବନଖଣ୍ଡ ଅଧିକାରୀ ଶ୍ରୀ ପରିଡା ପ୍ରକାଶ କରିଛନ୍ତି ।
