● ଶେଖ୍ ମୁକ୍ତାଜ୍ ହେଲେ ନୂତନ ସଭାପତି, ଚିତରଂଜନ ସାଧାରଣ ସଂପାଦକ
ରାୟଗଡା, (ଶିବ ନାରାୟଣ ଗୈାଡ): ହାବିଲଦାର ଓ କନେଷ୍ଟବଳ ରାୟଗଡା ଜିଲ୍ଳା ଶାଖା ସଂଘ ନିର୍ବାଚନର ଫଳାଫଳ ପ୍ରକାଶ ପାଇଛି । ସଭାପତି ପ୍ରାର୍ଥୀ ଶେଖ୍ ମୁକ୍ତାଜ ନିଜ ନିକଟତମ ପ୍ରତିଦ୍ୱନ୍ଦୀ ବେଲାଲସେନ ହାଲବାଙ୍କୁ ୧୭୮ଟି ଭୋଟ ବ୍ୟବଧାନରେ ପରାସ୍ତ କରି ସଂଘର ନୂତନ ସଭାପତି ଭାବେ ନିର୍ବାଚିତ ହୋଇଥିବା ବେଳେ ଅନ୍ୟାନ୍ୟ ସମସ୍ତ ପଦବୀରେ ତାଙ୍କ ଟିମ୍ ପ୍ରାର୍ଥୀମାନେ ବିଜୟୀ ହୋଇଛନ୍ତି । ନିର୍ବାଚନରେ ସଭାପତି ପଦ ପାଇଁ ଶେଖ୍ ମୁକ୍ତାଜ, ବେଲାଲସେନ୍ ହଲବା ଓ ବିରଂଚି ନାରାୟଣ ଚୈାଧୁରୀ ୩ଜଣ ପ୍ରାର୍ଥୀ ନିର୍ବାଚନ ଲଢିଥିବା ବେଳେ ମୋଟ ୫୫୮ଜଣ ଭୋଟର ମତଦାନ କରିଥିଲେ । ଏଥିରେ ବେଲାଳସେନ୍ ହଲବାଙ୍କୁ ୧୬୫ଟି ଏବଂ ବିରଂଚିଙ୍କୁ ମାତ୍ର ୪୭ଖଣ୍ଡ ଭୋଟ ମିଳିଥିବା ବେଳେ ଶେଖ୍ ମୁକ୍ତାଜ ୩୪୩ଖଣ୍ଡ ଭୋଟ ପାଇ ସଭାପତି ରୂପେ ନିର୍ବାଚିତ ହୋଇଛନ୍ତି । ସେହିପରି ସାଧାରଣ ସଂପାଦକ ଭାବେ ଚିତରଂଜନ ରଥ ୩୧୫ ଖଣ୍ଡ ଭୋଟ ପାଇ ନିଜ ନିକଟତମ ପ୍ରତିଦ୍ୱନ୍ଦୀ ନାଇକା ଜାକାକାଙ୍କୁ ୧୧୭ଟି ଭୋଟ ବ୍ୟବଧାନରେ ପରାସ୍ତ କରି ନିର୍ବାଚିତ ହୋଇଛନ୍ତି । ଅନ୍ୟତମ ପ୍ରାର୍ଥୀ କୃଷ୍ଣଚନ୍ଦ୍ର ମହାଙ୍କୁଡଙ୍କୁ ମାତ୍ର ୩୪ଖଣ୍ଡ ଭୋଟ ମିଳିଥିବା ଜଣାପଡିଛି । ସେହିପରି ଉପସଭାପତି ଭାବେ ଦେବୀ ପ୍ରସାଦ ପଣ୍ଡା ୩୪୦ଭୋଟ ପାଇ ନିଜ ନିକଟତମ ପ୍ରତିଦ୍ୱନ୍ଦୀ ଦିଲ୍ଳୀପ ଦାସଙ୍କୁ ୧୬୨ଖଣ୍ଡ ଭୋଟ ବ୍ୟବଧାନରେ ପରାସ୍ତ କରି ନିର୍ବାଚିତ ହୋଇଥିବା ବେଳେ କୋଷାଧ୍ୟକ୍ଷ ଭାବେ ସମୀର କୁମାର ରଣା,ଯୁଗ୍ମ ସଂପାଦକ-୧ରୂପେ ସୁମନ କୁମାର ସାହୁ,ଯୁଗ୍ମ ସଂପାଦକ-୨ରୂପେ ସଂଜୟ କୁମାର ଗମାଙ୍ଗ ନିର୍ବାଚିତ ହୋଇଛନ୍ତି ।
ସେହିପରି ସଭ୍ୟ ପଦବୀରେ ନିର୍ବାଚନ ଲଢିଥିବା ପ୍ରାର୍ଥୀ ଦିଲ୍ଳିପ କୁମାର ତିର୍କିୀ,କୃଷ୍ଣଚନ୍ଦ୍ର ଜାନି, ରମାକାନ୍ତ ପାଢୀ, ଶ୍ୟାମ ସୁନ୍ଦର ସାହୁ ଏବଂ ସୁଧାଂଶୁ ରଂଜନ ପଣ୍ଡା ନିଜ ପ୍ରତିଦ୍ୱନ୍ଦୀମାନଙ୍କୁ ବିପୁଳ ଭୋଟ ବ୍ୟବଧାନରେ ପରାସ୍ତ କରି ନିର୍ବାଚିତ ହୋଇଛନ୍ତି । ରାୟଗଡା ଜିଲ୍ଳା ପୋଲିସକୁ ନୂତନ ଦିଗଦର୍ଶନ ଦେବା ପାଇଁ ଜିଲ୍ଳାର ହାବିଲଦାର ଓ କନେଷ୍ଟବଳମାନେ ଭୋଟ ଦେଇ ଶେଖ୍ ମୁକ୍ତାଜଙ୍କ ସଂପୂର୍ଣ୍ଣ ଟିମକୁ ନିର୍ବାଚିତ କରିଥିବାରୁ ସଭାପତି ଶେଖ୍ ମୁକ୍ତାଜ ଏବଂ ସାଧାରଣ ସଂପାଦକ ଚିତରଂଜନ ରଥ କୃତଞତା ଜଣାଇଛନ୍ତି । ପ୍ରକାଶ ଥାଉ କି କୋଭିଡ-୧୯ ଗାଇଡଲାଇନକୁ ପାଳନ କରି ହାବିଲଦାର ଓ କନେଷ୍ଟବଳ ରାୟଗଡା ଶାଖା ସଂଘର ନିର୍ବାଚନ ଗତକାଲି ସେପ୍ଟେମ୍ବର ୨୪ତାରିଖରେ ଜେକେପୁର ସ୍ଥିତ ରିଜର୍ଭ ପୋଲିସ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଥିଲା ।
