ଭବାନୀପାଟଣା: ସ୍ଥାନୀୟ ପ୍ରଗତି ଶିକ୍ଷାନୁଷ୍ଠାନରେ ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଜାତିର ଜନକ ମହାତ୍ମା ଗାନ୍ଧୀ ଓ ଶାନ୍ତିଦୂତ ଲାଲ ବାହାଦୂର ଶାସ୍ତ୍ରୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯିବା ସହ ଛାତ୍ରଛାତ୍ରୀ ଓ ଅଧ୍ୟାପକ ଅଧ୍ୟାପିକାମାନେ ଶ୍ରଦ୍ଧାଞ୍ଜଳି ଜଣେଇଥିଲେ । ଏହି ଅବସରରେ ଶିକ୍ଷାନୁଷ୍ଠାନର ସମସ୍ତ ଅଧ୍ୟାପକ ଓ ଅଧ୍ୟାପିକା ତଥା ଛାତ୍ରଛାତ୍ରୀମାନଙ୍କ ଦ୍ୱାରା ସ୍ଵଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ପ୍ରଗତି ଶିକ୍ଷାନୁଷ୍ଠାନର ପରିସରକୁ ସଫେଇ କରିବା ସହିତ ନିକଟସ୍ଥ ଗୁଡ଼ିଆଳି ପଦର ଓ ରାଇସିଂପୁର ଗ୍ରାମକୁ ଯାଇ ସଫେଇ କାର୍ଯ୍ୟକ୍ରମ କରାଯାଇଥିଲା । ଗୁଡ଼ିଆଳି ପଦର ଓ ରାଇସିଂପୁର ଗ୍ରାମର ରାସ୍ତା ଏବଂ ବସ୍ତି ମଧ୍ୟରେ ଥିବା ସମସ୍ତ ଅଳିଆ ଆବର୍ଜନାକୁ ସଫା କରିବା ସହିତ ଗୁଡ଼ିଆଳି ପଦର ଗ୍ରାମର ଲୋକମାନଙ୍କୁ ଜୁହାର ଫାଉଣ୍ଡେସନ, ମୁମ୍ବାଇ ଅନୁକୂଳରେ ମାସ୍କ ବଣ୍ଟନ କରାଯାଇଥିଲା । ଏହି କ୍ରମରେ ଗୁଡ଼ିଆଳି ପଦର ଗ୍ରାମର ସମସ୍ତ ଲୋକଙ୍କୁ ସ୍ୱଚ୍ଛ ଭାରତ ଓ କୋଭିଡ ମୁକ୍ତ ଭାରତ ବିଷୟରେ ସଚେତନ କରାଯାଇଥିଲା ।
