ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): କଳାହାଣ୍ଡି ଜିଲ୍ଲା ମ.ରାମପୁର ଥାନା ଅଞ୍ଚଳରେ ଡକାୟତ ଗ୍ୟାଙ୍ଗ ଗତ କିଛି ଦିନ ହେଲା ସଂପୂର୍ଣ୍ଣ ଭାବେ ସକ୍ରିୟ ଅଛନ୍ତି। ଜାତୀୟ ରାଜପଥ ଉପରେ ଦିନ ଦୁଇ ପହରେ ୪୯ ହଜାର ଲୁଟ୍ ର ମାତ୍ର ତିନିଦିନ ପରେ ମ.ରାମପୁରରୁ ରିଷିଡା ରାସ୍ତାରେ ସେଇ ଦିନ ବେଳେ ୬ ଲକ୍ଷ ୩୦ ହଜାର ଲୁଟ୍ ଏବଂ ତା’ର ଦିନ ପରେ ମୋହନଗୀରି ଦେଶୀ ମଦ ଭାଟିରୁ ଲୁଟ୍, ପୁଣି ରାମୁଡ଼ ପାଖରେ ରାତିରେ ସିରିଜ୍ ଲୁଟ୍ ଓ ସେଇ ସମାନ ରାତି ରେ ନର୍ଲା ଥାନା ଅଞ୍ଚଳରୁ ମଧ୍ୟ ଦେଶୀ ମଦ ଭାଟି ଲୁଟ୍ ହେଇଥିଲା। ଏଇ ସମସ୍ତ ଡ଼କାୟତି ଘଟଣା ପୁଲିସ ପାଇଁ ବଡ ଚ୍ୟାଲେଞ୍ଜ ସୃଷ୍ଟି କରୁଥିଲା। ତେବେ ପୁଲିସର ତନାଘନା ପରେ ଗତ କାଲି ରାତିରେ କେସିଙ୍ଗା ଏସଡିପିଓ ଅଭିନବ ଶୋନଙ୍କରଙ୍କ ନେତୃତ୍ଵରେ ଏକ ଟିମ୍ କୌଣସି ସୂତ୍ରରୁ ଖବର ପାଇ ବାଲିଗୁଡା ଥାନା ଅନାଗୁଲ୍ ଗ୍ରାମରୁ ସୁନୀଲ ନାଗ ଓରଫ ଲାଲା (ବଲାଙ୍ଗୀର ଜିଲ୍ଲାର ସଇଁତଳା ଥାନା ବିରାଟକାନି ଗ୍ରାମ) ଙ୍କୁ ଗିରଫ କରି ଥିବା ଆଜି ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ଏସଡିପିଓ । ଅଭିଯୁକ୍ତ ପାଖରୁ ନଗଦ ୨୪୭୧୦ଟଙ୍କା, ଗୋଟେ ମଟର ସାଇକେଲ୍(ଗାଡ, ନମ୍ୱର୍, ଓଡ଼ି ୦୮ଏମ୨୯୮୦) ଦୁଇଟି ଛୁରୀ ଜବତ ହେଇଛି। ଅଞ୍ଚଳରେ ହେଉଥିବା ଡ଼କାୟତିକୁ ଦୃଷ୍ଟିରେ ରଖି ପୁଲିସ ପେଟ୍ରୋଲିଙ୍ଗକୁ ତ୍ବରାନ୍ବିତ କରାଯିବ ବୋଲି ପୁଲିସ ସୂଚନା ପ୍ରଦାନ କରିଛି। ତେବେ ଏହି ସବୁ ଘଟଣାରେ ସଂପୃକ୍ତ ଥିବା ଅନ୍ୟ ଅଭିଯୁକ୍ତଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ପୁଲିସ ସୂଚନା ପ୍ରଦାନ କରି ଥିବା ବେଳେ କେତେ ଶୀଘ୍ର ଏଇ ଗ୍ୟାଙ୍ଗର ଅନ୍ୟ ସମସ୍ତେ ଗିରଫ କରାଯିବ ତାହା ଦେଖିବାକୁ ବାକି ରହିଲା । ଏଇ ସମ୍ବାଦିକ ସମ୍ମିଳନୀରେ ଅନ୍ୟ ମାନଙ୍କ ମଧ୍ୟରେ ମ.ରାମପର ଥାନା ଅଧିକାରୀ ସାଚ୍ଚିନ୍ଦ୍ର ପ୍ରଧାନ, ଏସଆଇ ଜୟଦେବ ତାରିଣୀ, ସିରାଜ କୁମାର ପାଢ଼ୀ, ସୁନୀତା ସେଠୀ ଓ ଅନ୍ୟ କର୍ମଚାରୀ ମାନେ ଉପସ୍ଥିତ ଥିଲେ ।
