ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ୟୁକ୍ରେନ ଏବଂ ଋଷ ମଧ୍ୟରେ ଚାଲିଥିବା ଯୁଦ୍ଧର ଏକ ବର୍ଷରୁ ଅଧିକ ସମୟ ବିତିଗଲାଣି। ଉଭୟ ଦେଶର ଜିଦ୍ ଏବଂ ପରାଜୟ ସ୍ୱୀକାର ନକରିବା ଜିଦ୍ କାରଣରୁ ଲକ୍ଷ ଲକ୍ଷ ସୈନିକ ଗୁରୁତର ଆହତ ଭାବେ ସାରା ଜୀବନ ଅପାଙ୍ଗ କିମ୍ବା ଯନ୍ତ୍ରଣା ସାମ୍ନାରେ ଛାଡି ଦେଇଛି। ହଜାର ହଜାର ଲୋକ ବାସହୀନ ହୋଇଯାଇଛନ୍ତି। ଯୁଦ୍ଧ ପାଇଁ ୟୁକ୍ରେନ ସରକାରଙ୍କ ପାଖରେ ଆଉ ପର୍ଯ୍ୟାପ୍ତ ଅର୍ଥ ବାକି ନାହିଁ। ତେବେ ବିଦେଶରୁ ମିଳିଥିବା ସମର୍ଥନ ହେତୁ ସେଠାରେ ଥିବା ସୈନିକମାନେ ରଣାଙ୍ଗନରେ ଲଢ଼ୁଛନ୍ତି। ତେବେ ଏପରିସ୍ଥଳେ ୟୁକ୍ରେନ ଯୁଦ୍ଧରେ ଗଭୀର ଆହତ ସୈନିକ ମାନଙ୍କୁ ଗଞ୍ଜେଇ ବ୍ୟବହାର କରିବାକୁ ପ୍ରୋତ୍ସାହିତ କରୁଛି। ଏଥିପାଇଁ ସେ ଏକ ବିଲ୍ ମଧ୍ୟ ପାସ୍ କରିଛନ୍ତି। ଏହା ପଛରେ ବୈଜ୍ଞାନିକ କାରଣ କ’ଣ ରହିଛି? ଏବଂ ସେଠାରେ ଥିବା ଲୋକମାନେ କାହିଁକି ଏହାକୁ ବିରୋଧ କରୁନାହାଁନ୍ତି? ଏନେଇ ଆସନ୍ତୁ ବୁଝିବା ଏହି ଲେଖା ମାଧ୍ୟମରେ। ଋଷ ସହିତ ଚାଲିଥିବା ବିବାଦ ୟୁକ୍ରେନ ଉପରେ ଭୟଙ୍କର ପ୍ରଭାବ ପକାଇଛି, ଯାହାଦ୍ୱାରା ଅଧିକ ଗୁରୁତ ଆହତ ହୋଇଛନ୍ତି ଏବଂ ଉଭୟ ସାଧାରଣ ନାଗରିକ ଏବଂ ସୈନିକମାନଙ୍କ ମଧ୍ୟରେ ଡିପ୍ରେସନ ଏବଂ ଚାପଗ୍ରସ୍ତ ରହିଛନ୍ତି। ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ, ୟୁକ୍ରେନର ଜନସଂଖ୍ୟାର ଏକ ଚତୁର୍ଥାଂଶ ଏବଂ ଏହାର ୬୦% ସୈନିକ ଯୁଦ୍ଧ ହେତୁ ଡିପ୍ରେସନ କିମ୍ବା PTSD ରେ ପୀଡିତ ହୋଇପାରନ୍ତି। ଯେହେତୁ ମାନସିକ ସ୍ୱାସ୍ଥ୍ୟ ସେବା ଟ୍ରମା ୟୁନିଟକୁ ପ୍ରାଥମିକତା ଦେଇଥାଏ, ବିକଳ୍ପ ଚିକିତ୍ସା ପାଇଁ ଏକ ଜରୁରୀ ଆବଶ୍ୟକତା ଅଛି। ଏଭଳି ସ୍ଥଳେ ଗଞ୍ଜେଇ ସେବନ ପାଲଟିଛି ସଞ୍ଜିବନୀ। ଏହାକୁ ବ୍ୟବହାର କରିବା ପାଇଁ ସରକାରୀ ଅନୁମତି ପ୍ରଦାନ କରାଯାଇଛି ।ମେଡିକାଲ୍ କାନାବିସ୍ PTSD ବା ଗଞ୍ଜାଇ ଯନ୍ତ୍ରଣା ଏବଂ ଲକ୍ଷଣକୁ ହ୍ରାସ କରିବାର କ୍ଷମତା ପ୍ରଦର୍ଶନ କରିଥାଏ। ଯାହା ଯୁଦ୍ଧ ଦ୍ୱାରା ପ୍ରଭାବିତ ଲୋକଙ୍କ ପାଇଁ ଏହା ଏକ ସାଧନ ପାଲଟିଛି। ଡାକ୍ତରୀ କାରଣ ଦର୍ଶାଇ ଗଞ୍ଜେଇ ସେବନକୁ ଆଇନଗତ କରିବା ସୈନିକ ଏବଂ ସାଧାରଣ ନାଗରିକଙ୍କୁ ପ୍ରେସକ୍ରିପସନ୍ ଓପିଓଏଡ୍ ପାଇଁ ଏକ ନିରାପଦ ବିକଳ୍ପ ପାଲଟିବ। ମାତ୍ର ଏହା ନିଶା ସେବନକୁ ପ୍ରୋତ୍ସାହିତ କରିବା ସହ କ୍ଷତିକାରକ ପାର୍ଶ୍ୱ ପ୍ରତିକ୍ରିୟା ଦେଖାଯାଇପାରେ। ତଥାପି ୟୁକ୍ରେନ ଏହାକୁ ଏକମାତ୍ର ବିକଳ୍ପ ଭାବରେ ଅନୁମୋଦନ କରୁଛି।
