ନିର୍ମାଣାଧୀନ ବ୍ରିଜ ଭୁଶୁଡି ଦୁଇ ମୃତ
ଗାନ୍ଧୀନଗର: ଗୁଜୁରାଟର ପାଲନପୁରରେ ଏକ ନିର୍ମାଣାଧୀନ ବ୍ରିଜ ଭୁଶୁଡି ପଡିଛି। ବ୍ରିଜର ଭଙ୍ଗା ଅଂଶ ସିଧାସଳଖ ଟ୍ରାକ୍ଟର ଏବଂ ରିକ୍ସା ଉପରେ ପଡିଛି। ଏହି ଦୁର୍ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି। ବ୍ରିଜର ଭଙ୍ଗା ଅଂଶ ତଳେ ଜଣେ ବ୍ୟକ୍ତି ପୋତି ହୋଇଥିବାର ନଜର ଆସିଥିବା ବେଳେ ଉକ୍ତ ଘଟଣାରେ ଦୁଇ ଜଣଙ୍କର ମୃତ୍ୟୁ ଘଟିଛି। ଘଟଣା ସମ୍ପର୍କରେ ସୂଚନା ପାଇବା ପରେ ଜିଲ୍ଲାପାଳ, ଏସପି, ରାଜପଥ ପ୍ରାଧିକରଣ ସମେତ ବହୁ ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି। ରିକ୍ସା ଉପରେ ପଡ଼ିଥିବା ବ୍ରିଜର ଭଙ୍ଗା ଅଂଶକୁ ଏକ କଟର ଦ୍ୱାରା କାଟି ବାହାର କରାଯାଇଛି।
ଗୁଜୁରାଟର ସୁରେନ୍ଦ୍ରନଗର ଜିଲ୍ଲାରେ ମାତ୍ର ଏକ ମାସ ପୂର୍ବରୁ ଏଭଳି ଦୁର୍ଘଟଣା ଘଟିଥିଲା। ଏହି ଘଟଣା ପରେ ବର୍ତ୍ତମାନ ପାଲନପୁରରେ ନିର୍ମାଣାଧୀନ ବ୍ରିଜ ଭୁଶୁଡିବା ଘଟଣା ଲୋକଙ୍କୁ ହତଚକିତ କରିଛି। କୁହାଯାଉଛି ଯେ ପାଲାନପୁର ଆରଟିଓ ସର୍କଲରେ ଏକ ନୂତନ ସେତୁ କାମ ଚାଲିଛି। ସୋମବାର ଦିନ ବ୍ରିଜ ଉପରେ ନିର୍ମାଣ କାର୍ଯ୍ୟ ଚାଲିଥିବାବେଳେ ଏକ ଅଂଶ ଖସି ପଡିଥିଲା। ଏହି ଦୁର୍ଘଟଣାରେ ଏକ ଟ୍ରାକ୍ଟର ଏବଂ ରିକ୍ସା ସମ୍ପୃକ୍ତ ଥିଲା। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ ବ୍ରିଜର ଆବର୍ଜନାଗୁଡ଼ିକ ସିଧାସଳଖ ରିକ୍ସା ଉପରେ ପଡିଯାଇଥିଲା। ଆବର୍ଜନା ତଳେ ପୋତି ହୋଇଥିବା ରିକ୍ସାକୁ କାଟି ଏକ କଟର ସାହାଯ୍ୟରେ ବାହାର କରାଯାଇଥିଲା।
बनासकांठा..
पालनपुर के आरटीओ सर्कल के पास निर्माणधींन ओवरब्रिज का स्लैब टूटा
ओवरब्रिज का स्लैब गिरने का सीसीटीवी फुटेज आया सामने.
सीसीटीवी में एक व्यक्ति स्लैब के नीचे दबता हुआ देखा गया
सेल्ब के नीचे एक रिक्शा ओर ट्रेक्टर दबे
क्रेनों की मदद से मलबा हटाकर रिक्षा के मलबे को… pic.twitter.com/n3aXqDUCH2
— Nirnay Kapoor (@nirnaykapoor) October 23, 2023
ଅନ୍ୟପଟେ ଏହି ନିର୍ମାଣଧିନ ସେତୁ ଭୁଶୁଡ଼ିବା ନେଇ ଗୁଜରାଟ କଂଗ୍ରେସ ନେତା ଅମିତ ଚାଭଡା ବିଜେପିକୁ ଆକ୍ରମଣ କରିଛନ୍ତି। ଘଟଣାରେ ସିସିଟିଭିରେ ଦେଖିବାକୁ ମିଳୁଛି ଯେ, ବ୍ରିଜ ଭୁଶୁଡିବା ପରେ ଜଣେ ବ୍ୟକ୍ତି ଏଥିରୁ ବାହାରିବାକୁ ଚେଷ୍ଟା କରୁଛନ୍ତି। କିନ୍ତୁ ସେ ନିଜକୁ ରକ୍ଷା କରିପାରିନଥିଲେ। ସେତୁ ଭୁଶୁଡ଼ିବା ବେଳେ ଏହାର ଶବ୍ଦ ଏତେ ଜୋରରେ ଥିଲା ଯେ ଆଖପାଖ ଅଞ୍ଚଳରେ ଆତଙ୍କ ଖେଳିଯାଇଥିଲା। ସ୍ଥାନୀୟ ଲୋକେ ଭୟଭୀତ ହୋଇଥିଲେ।
