କୋକସରା,୬/୮ : କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ତରାପୁର- ନୁଆଗୁଡା ରାସ୍ତା ପାର୍ଶ୍ବର କିଛିଦୂର ବ୍ୟବଧାନରେ ଥିବା ଚାଷ ଜମିର ଏକ ଗଛରୁ ଜଣେ ଯୁବକଙ୍କ ଝୁଳନ୍ତା ମୃତଦେହ ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଘଟଣା ସମ୍ପର୍କରେ ଲୋକେ ତୁରନ୍ତ କୋକସରା ଥାନା ପୋଳିସକୁ ଖବର ଦେପବାପରେ ପୋଳିସ ପହଞ୍ଚି ଶବଟିକୁ କୋକସରା ଅଗ୍ନିଶମ ବିଭାଗର କର୍ମଚାରୀ ମାନଙ୍କ ସହଯୋଗରେ ଗଛ ମଧ୍ୟରୁ ଉଦ୍ଧାର କରିଥିଲେ । ତେବେ ମୃତ ଯୁବକଙ୍କ ପରିଚୟ ମିଲିପାରିନଥିବା ବେଳେ ମୃତ୍ୟ ପଛର କାରଣ କ’ଣ ତାହା ଅସ୍ପଷ୍ଟ ରହିଛି । ଶବଟିକୁ ପୋଲିସ ଉଦ୍ଧାର କରି କୋକସରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ବ୍ୟବଛେଦ ପାଇଁ ପଠାଇବା ସହ ତଦନ୍ତ ଜାରିରହିଥିବା କୋକସରା ଥାନାଧିକାରୀ ସୂର୍ଯ୍ୟନାରୟଣ ପ୍ରଧାନ ସୂଚନା ଦେଇଛନ୍ତି ।