ଓଡ଼ିଆ ବାର୍ତ୍ତା/ ପୁରୁଷୋତ୍ତମପୁର (ପ୍ରସନ୍ନ କୁମାର ଦାଶ): ପୁରୁଷୋତ୍ତମପୁର ବିଜ୍ଞାପିତ ଅଞ୍ଚଳ ଅନ୍ତର୍ଗତ ଆସିକା, ହୁମା ରୋଡ଼ କୁମାରୀ ବିଦ୍ୟୁତ ଟ୍ରାନ୍ସଫର୍ମର ନିକଟରୁ ପଚା ଗନ୍ଧ ଆସୁ ଥିବାର କିଛି ଲୋକ ଜାଣିବା ପରେ କଣ ମରିଛି ଯାହାଦ୍ୱାରା ଏତେ ଗନ୍ଧ ହେଉଛି ଦେଖିଲା ବେଳକୁ ଜଣେ ଯୁବକ ର ମୃତ ଦେହ ପଡିଛି | ଏହି ଘଟଣାପ୍ରଚାରିତ ପରେ ଘଟଣା ସ୍ଥଳ ରେ ବହୁଲୋକ ରୁଣ୍ଡ ହୋଇଥିଲେ | ଏବଂ ପୋଲିସକୁ ଖବର ଦେଇଥିଲେ | ପୋଲିସ ଆସି ଶବ କୁ ବାହାର କୁ ଆଣି ଦେଖିବା ପରେତାହା କୁମାରୀ ଗାଁ ର କବି ମହାରଣା (୨୭) ଙ୍କ ବୋଲି ଜଣା ପଡିଛି | ଏହି ଘଟଣା ଜଣା ପଡିବା ପରେ ଗାଁ ରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି | ତେବେପିତା ସୁରେନ୍ଦ୍ର ଙ୍କ ମୃତ୍ୟୁ ର ଆଠ ଦିନ ପୂର୍ବରୁ କବି କୁଆଡେ ନିଖୋଜ ହୋଇ ଯାଇଥିଲେ |ବହୁ ଖୋଜା ଖୋଜି ପରେ ମଧ୍ୟ ତାଙ୍କର ସନ୍ଧାନ ମିଳି ନଥିଲା | ପୁରୁଷୋତ୍ତମପୁର ପୋଲିସ ମୃତଦେହକୁ ଜବତ କରିବା ସହ କେସ୍ ନଂ ୧୫/୨୫ରେ ଏକ ମାମଲା ରୁଜୁ କରାଯାଇଛି। ବ୍ରହ୍ମପୁର ବଡ଼ମେଡିକାଲକୁ ପଠାଯାଇ ପୋଷ୍ଟ ମଟମ କରିବା ପାଇଁ ପୋଲିସ ଚେଷ୍ଟା କରୁଛି | ତେବେ ପୋଲିସ ର ତଦନ୍ତଏବଂ ଶବ ବ୍ୟବଛେଦ ରିପୋର୍ଟ ଆସିବା ପରେ ଏହା ଆତ୍ମ ହତ୍ୟା ନା ହତ୍ୟା ତାହା ଜଣା ପଡିବ | ତେବେ କବିଙ୍କ ପରିବାର ବହୁତ ଗରିବ ଥିବା ବେଳେ ଏପଟେ ସ୍ୱାମୀ ଓ ପୁତ୍ର ର ମୃତ୍ୟୁ ତାଙ୍କ ପରିବାର କୁ ବଡ଼ ଧକ୍କା ଦେଇଛି | ତେଣୁ ଏନଏସି କର୍ତ୍ତୃପକ୍ଷ ଙ୍କ ତରଫରୁ ତାଙ୍କୁ କିଛି ଆର୍ଥିକ ସାହାଯ୍ୟ ମିଳିଲେ ତାଙ୍କ ପରିବାର ଉପକୃତ ହୋଇ ପାରିବେ ବୋଲି ଜନ ସାଧାରଣ କହିଛନ୍ତି |
