ରାଜସ୍ଵ ଅମଲା ସଂଘର କାର୍ଯ୍ଯ ବନ୍ଦ ଡାକରାରୁ ଦୂରେଇ ରହିବ ସଂଘ
ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର ( ରାଜ କିଶୋର ତ୍ରିପାଠୀ ): ଆଜି ସୁବର୍ଣ୍ଣପୁର ଅଣ ଗେଜେଟେଡ କର୍ମଚାରୀ ସଂଘ କାର୍ଯ୍ୟାଳୟ ଠାରେ ଓଡ଼ିଶା ଅମଲା ସଂଘ ଜିଲ୍ଲା ଶାଖା ପକ୍ଷରୁ ଏକ ସାମ୍ୱାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଆସନ୍ତା କଲି ଠାରୁ ରାଜସ୍ୱ ଅମଲା ସଂଘର କାର୍ଯ୍ଯ ବନ୍ଦ ଡାକରା ରେ ଓଡ଼ିଶା ଅମଲା ସଂଘ ଦୂରେଇ ରହି ସ୍ଵାଭାବିକ ଭାବେ ଜିଲ୍ଲା ତଥା ସାରା ରାଜ୍ୟରେ ସରକାରୀ କାର୍ଯ୍ଯ ଜାରି ରଖିବାକୁ ନିଷ୍ପତ୍ତି ଗ୍ରହଣ କରିଛି ଓଡ଼ିଶା ଅମଲା ସଂଘ l ଓ ରାଜସ୍ବ ଅମଲା ସଂଘର କେଉଁ ଦାବୀ ବା ସ୍ବାର୍ଥ ପାଇଁ ତାକୁ ଓଡ଼ିଶା ଅମଲା ସଂଘର ସମର୍ଥନ ଦରକାର ତାରି ଆଭିମୁଖ୍ୟ ସ୍ପଷ୍ଟ କରନ୍ତୁ ବୋଲି ଏହି ସମ୍ମିଳନୀରେ ସଂଘର ରାଜ୍ୟ ସମ୍ପାଦକ ଚିତ୍ତ ରଞ୍ଜନ ତରାସିଆ ପ୍ରକାଶ କରିଛନ୍ତି l ଓଡ଼ିଶା ଅମଲା ସଂଘ ରାଜ୍ୟର ଏକ ସର୍ବ ପୁରାତନ ଏବଂ ବୃହତ୍ତମ ସଂଘ, ଯାହାର ସଭ୍ୟ ରାଜ୍ୟରେ ସମସ୍ତ ଜିଲ୍ଲାର ରାଜସ୍ଵ ବିଭାଗ ସହ ସବୁ ବିଭାଗରେ କାର୍ଯ୍ୟରତ । ରାଜ୍ୟ ସରକାରଙ୍କ ସମସ୍ତ ଯୋଜନାକୁ ତୃଣମୂଳ ସ୍ତରରେ ସଫଳ ରୂପାୟନ କରାଇବାରେ ଏହି ଜିଲ୍ଲାସ୍ତରୀୟ ଅମଲାଙ୍କ ପ୍ରମୁଖ ଭୂମିକା ଥାଏ । କିନ୍ତୁ ଜିଲ୍ଲା ଅମଲା ଆଜି ରାଜ୍ୟରେ ଅବହେଳିତ ଏବଂ ନିଷ୍ପେସିତ । ଏକମାତ୍ର ଦାବି ୨୦୧୭ ମସିହାରୁ ପ୍ରଚଳିତ ପ୍ରବେଶିକା ଶିକ୍ଷାଗତ ଯୋଗ୍ୟତା ସ୍ନାତକ ହାରରେ ଲେବୁଲ-୯ ଦରମା ପ୍ରଦାନ, ୨୦୧୯ ମସିହା ରେ ଜିଲ୍ଲା ସ୍ତରୀୟ ଅମଲା ଙ୍କ ପାଈଁ ପ୍ରଣୟନ ହୋଇଥିବା କ୍ୟାଡ଼ର ଆଇନ ଯଥା ଜିଏ ଓ ପିଜି ବିଭାଗ ରେଜୁଲେଶନ ନମ୍ବର ୫୬୨୨ ତା ୨୦-୦୨- ୨୦୧୯ କୁ ତୁରନ୍ତ ଲାଗୁ ଓ ଏମାନଙ୍କୁ ପଦୋନ୍ନତି ରୁ ବଞ୍ଚିତ କରା ନ କରିବା ଓ ଜିଲ୍ଲା ସ୍ତରରେ ଏ ନୀୟମ ଅନୁଯାୟୀ ପ୍ରତି ଚାରି ବର୍ଷ ରେ କ୍ଲାସ ୧, କ୍ଲାସ ୨ ସ୍ତର କୁ ପରବର୍ତ୍ତୀ ପଦୋନ୍ନତି ଦିଆଯାଇ ପ୍ରମୋସନ୍ କ୍ଷେତ୍ରରେ ଅମଲା ଙ୍କ ପାଇଁ ସଂରକ୍ଷିତ କରିବା, କ୍ୟାଡ଼ର ରୁଲ୍ କୁ ପୁନଃ ଲାଗୁ କରାଯାଇ ଅମଲା ଙ୍କୁ ଗୋଟାଏ କ୍ୟାଡ଼ର କରିବା ପ୍ରମୁଖ ଦାବୀ ନେଇ ଆଜି ରାଜ୍ୟ ସାରା ସାମ୍ୱାଦିକ ସମ୍ମିଳନୀ ର ଆୟୋଜନ କରି ସୁଚନା ଦେଇଥିବା ବିଷୟ ପ୍ରକାଶ କରିଛନ୍ତି ଓ ରାଜସ୍ଵ ଅମଲା ସଂଘର ଏଭଳି ଡିଭାଇଡ ରୁଲ୍ କୁ ସଂଘ ନାପସନ୍ଦ କରିଥିବା କହିଛନ୍ତି l ଓଡ଼ିଶା ଅମଲା ସଂଘର ଗତ ତା.୦୬.୦୪.୨୦୨୫ କାର୍ଯ୍ୟକାରିଣୀ ପରିଷଦର ନିଷ୍ପତ୍ତି ମୁତାବକ ତା.୧୦.୦୬.୨୦୨୫ ଠାରୁ ରାଜଧାନୀ ଭୁବନେଶ୍ଵରରେ ସଚିବାଳୟ ସମ୍ମୁଖରେ ଧାରଣାରେ ବସିବାର କାର୍ଯ୍ୟକ୍ରମ ଥିଲା କିନ୍ତୁ ସରକାରଙ୍କର ପରାମର୍ଶ କ୍ରମେ ସ୍ଥଗିତ ରଖାଯାଇଛି । ଭବିଷ୍ୟତରେ ପୁନଶ୍ଚ ଏକ ବିରାଟ ଆନ୍ଦୋଳନକୁ ଏଡ଼ାଇବା ପାଇଁ ରାଜ୍ୟ ସରକାର ତଥା ମାନ୍ୟବର ମୁଖ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି ଯେ ଯୁକ୍ତ ସମ୍ମତ ଦାବି ପୂରଣ ପାଇଁ ତୁରନ୍ତ ହସ୍ତକ୍ଷେପ କରି ତୁରନ୍ତ ଓଡ଼ିଶା ଅମଲା ସଂଘର କର୍ମକର୍ତ୍ତାଙ୍କ ସହିତ ଏକ ବୈଠକର ଆୟୋଜନ କରି ଏହାର ଆଶୁ ସମାଧାନ ପାଇଁ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ । ଆଜିର ଏ ସମ୍ମିଳନୀରେ ରାଜ୍ୟ ସମ୍ପାଦକ ଚିତ୍ତ ରଞ୍ଜନ ତରାସିଆ ଙ୍କ ସମେତ ଜିଲ୍ଲା ସଭାପତି ଜୟଦ୍ରଥ ଜଗଦଲା, ଯୋଗେନ୍ଦ୍ର ସେଠୀ, ଭଗ୍ୟଧର ପଣ୍ଡା, ବଳରାମ ଖେତି, କମଲ ରାଜହଂସ ସୁଧାଂଶୁ ସ୍ୱାଇଁ, ଉମା ଶଙ୍କର ହୋତା, ସୌମ୍ୟା ବରିହା, ସମୀକ୍ଷା ପୁରୋହିତ, ସୁରେନ୍ଦ୍ର ନାୟକ, ସୁଜିତ ଜଗଦଲା, ବଳରାମ କ୍ଷେତୀ, ରାଧାନାଥ ହୋତା, ଆକାଶ ତ୍ରିପାଠୀ, ଗିରିଶ ଦାଶ, ସରୋଜ ମେହେର, ଅଶୋକ ଗଡତିଆ, ଶିବ କୁମ୍ଭାର, ହରି ଗୋବିନ୍ଦ ଆଚାର୍ଯ୍ୟ, ଅଶ୍ଵିନୀ କର୍ମୀ, ଦେବେନ୍ଦ୍ର ଷଡଙ୍ଗୀ ପ୍ରମୁଖ ସଂଘ ର ସମସ୍ତ ସଦସ୍ୟ ଉପସ୍ଥିତ ଥିଲେ l
