ଓଡ଼ିଆ ବାର୍ତ୍ତା/ କଟକ: ଓଡିଶା ପୁଲିସ ପକ୍ଷରୁ ରାଜ୍ୟରେ ଥିବା ୬୧୨ ଗୋଟି ଥାନାର ଇନ୍ସପେକ୍ଟର ମାନଙ୍କ କାର୍ଯ୍ୟଦକ୍ଷତା ସମ୍ପର୍କିତ ପ୍ରତିଭା ଚୟନ ହୋଇଥିଲା। ଏଥିରେ ବୟାଳିଶ ମୌଜା ଥାନା ଅଧିକାରୀ ଗିରିଶ ଚନ୍ଦ୍ର ମହାରଣା ସର୍ବାଧିକ ୮୬.୫୬ ପ୍ରତିଶତ ନମ୍ବର ରଖି ପାଇ ରାଜ୍ୟରେ ପ୍ରଥମ ହୋଇଛନ୍ତି। ଏହା ସହ କଟକ କମିଶନରେଟ ପୁଲିସ ଅଧୀନରେ ଥିବା ଵୟାଳିଶ ମୌଜା ଥାନା ରାଜ୍ୟରେ ଥାନାୱାରୀ ହୋଇଥିବା ବିଭାଗୀୟ କାର୍ଯ୍ୟଦକ୍ଷତା ପ୍ରଦର୍ଶନୀରେ ମଧ୍ୟ ପ୍ରଥମ ସ୍ଥାନ ଅଧିକାର କରିଛି। ଏହି ପରିପ୍ରେକ୍ଷୀରେ ୪୨ ମୌଜା ଯାଦବ ମହାସଭା ପକ୍ଷରୁ ସଭାପତି ବୁଲେଇ ବେହେରା ଆଇଆଇସି ଗିରିଶ ଚନ୍ଦ୍ର ମହାରଣାଙ୍କୁ ସମ୍ବର୍ଦ୍ଧିତ କରିବା ସହ ଦେଶ ମାତୃକାର ସେବା ପାଇଁ ତାଙ୍କର ମହତ ଅବଦାନ ପ୍ରତି ସାଧୁବାଦ ଜଣାଇଛନ୍ତି।
