ଓଡ଼ିଆ ବାର୍ତ୍ତା/ ସଇଁତଳା (ଗୋକୁଳାନନ୍ଦ ବଗର୍ତ୍ତୀ): ବଲାଙ୍ଗୀର ଜିଲ୍ଲା ସଇଁତଳା ଥାନା ଅନ୍ତର୍ଗତ ଯୁବାମାଲ ଗାଁରେ ସଂଗଠିତ ହୋଇଯାଇଛି ଏକ ଅଭାବନୀୟ ଘଟଣା I ଚୋରା ପିରତୀକୁ କେନ୍ଦ୍ରକରି ମହିଳାଙ୍କ ପରିବାର ଲୋକ ଗୋଡହାତ ବାନ୍ଧି ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି I ଗତକାଲି ଯୁବକ ଜଣକ ମହିଳା ଘରେ ଏକା ଥିବା ବେଳେ ଘରକୁ ପଶିଥିଲେ I ତାଙ୍କୁ ରାତି ୯ ଟାରୁ ରାତି ଗୋଟାଏ ଯାଏ ମାଡ଼ ମାରିଥିଲେ । ଏନେଇ ମହିଳାଙ୍କ ପରିବାର ଲୋକେ ଉଭୟଙ୍କୁ ଘର ଭିତରେ ଏକା ପାଇଁ ଯୁବକକୁ କାବୁ କରି ନିସ୍ତୁକ ମାଡ ମାରିଥିବା ଜଣାପଡିଛି I ଆହାତ ଯୁବକ ଜଣକ ହେଲେ ଯୁବାମାଲ ଗାଁର ଦୁର୍ବାଦଳ ଭୋଇ I ଗୁରୁତର ଅବସ୍ଥାରେ ଦୁର୍ବାଦଳକୁ ପରିବାର ଲୋକେ ଉଦ୍ଧାର କରି ସଇଁତଳା ମେଡିକାଲରେ ଭର୍ତ୍ତି କରିଥିଲେ । ସେଠାରୁ ଦୁର୍ବାଦଳକୁ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି I ଚୋରା ପୀରତିକୁ ନେଇ ତୁମୁଳ କାଣ୍ଡ ଘଟିବା ପରେ ବଡମାଳ ଫାଣ୍ଡିରେ ମହିଳାଙ୍କ ପରିବାର ଲୋକେ ଦୂର୍ବାଦଳଙ୍କ ନାଁରେ ଲିଖିତ ଅଭିଯୋଗ କରିଥିବା ଜଣାପଡିଛି I ଚୋରା ପିରତୀ ପାଇଁ ଏମିତି ଘଟଣା ଘଟିଥିବା ଚର୍ଚ୍ଚା ହେଉଥିବା ବେଳେ ଦୂର୍ବାଦଳ ଏହାକୁ ଖଣ୍ଡନ କରି କହିଛନ୍ତି ପୂର୍ବ ଶତ୍ରୁତାକୁ କେନ୍ଦ୍ର କରି ଆକ୍ରୋଶ ମୂଳକ ଭାବେ ସଙ୍ଗବନ୍ଧ ଆକ୍ରମଣ କରିଛନ୍ତି I ଘଟଣା ପରେ ସଇଁତଳା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି I ବର୍ତ୍ତମାନ ସୁଦ୍ଧା ଏହି ଘଟଣାରେ କାହାକୁ ଗିରଫ କରାଯାଇ ନାହିଁ । ସଠିକ୍ ତଦନ୍ତ ପରେ ଘଟଣା ଉପରୁ ରହସ୍ୟ ଖୋଲିବ ।
