ଓଡ଼ିଆ ବାର୍ତ୍ତା/ ବାଲେଶ୍ୱର (କୃଷ୍ଣ କୁମାର ମହାନ୍ତି): ୭୯ ତମ ସ୍ଵାଧୀନତା ଦିବସ ଉପଲକ୍ଷେ ରେମୁଣା ବ୍ଲକ କ୍ୟାମ୍ପସ ପରିସରରେ ବାଲେଶ୍ଵରର ୟୁକୋ ଗ୍ରାମୀଣ ଆତ୍ମ ନିଯୁକ୍ତି ପ୍ରଶିକ୍ଷଣ ସଂସ୍ଥା(RSETI) ପକ୍ଷରୁ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ‘ସମ୍ବାଦ ଆମ ଓଡ଼ିଶା’ ସହଯୋଗରେ ଆୟୋଜିତ ଶିବିରକୁ ମୁଖ୍ୟ ଅତିଥି ଭାବେ ୟୁକୋ ବ୍ୟାଙ୍କର ଜୋନାଲ ମ୍ୟାନେଜର ସୁଦିପ ଡାକୁଆ ଉଦଘାଟନ କରିବା ସହ ରକ୍ତଦାନ କରିଥିଲେ। ସମ୍ମାନିତ ଅତିଥି ଭାବେ ଏଲଡିଏମ୍ ମୋତି କୁମାର ସହ, ଡିଡିଏମ ନାବାର୍ଡ ତାପସ ରଂଜନ ପ୍ରଧାନ, ୟୁକୋ ବ୍ୟାଙ୍କର ଡେପୁଟି ଉପ ଜୋନାଲ ମ୍ୟାନେଜର ମୟଙ୍କ ଅଗ୍ରୱାଲ ଓ ବାଲେଶ୍ୱର ରକ୍ତ କେନ୍ଦ୍ରର ଅଧିକାରୀ ଡାକ୍ତର ବସନ୍ତ କୁମାର ଉପାଧ୍ୟାୟ ପ୍ରମୁଖ ଯୋଗଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ। ୟୁକୋ ଆରସେଟିର ବାଲେଶ୍ୱର ନିର୍ଦ୍ଦେଶକ ସୁବ୍ରତ ମହାକୁଳଙ୍କ ତତ୍ତ୍ଵାବଧାନରେ ଆୟୋଜିତ ଏହି ଶିବିରରୁ ୪୨ ୟୁନିଟ ରକ୍ତ ସଂଗୃହିତ ହୋଇଥିଲା। ବାଲେଶ୍ୱର ରକ୍ତ କେନ୍ଦ୍ରର ବରିଷ୍ଠ ଟେକ୍ନିସିଆନ୍ ବିଜୟ କୁମାର ପଟ୍ଟନାୟକ, ରାଜେଶ ମିଶ୍ର, ପଦ୍ମଲୋଚନ ମହାନ୍ତି ରକ୍ତ ସଂଗ୍ରହ କରିଥିଲେ। ଆରଏସଇଟିଆଇ ପ୍ରଶିକ୍ଷକ ଏମଡି କୁତ୍ତ୍ ବୁଦ୍ଦିନ ଖାଁ, ମନୋଜ କୁମାର ବେହେରା, ଅଭିଷେକ ସ୍ୱାଇଁ, ଶଙ୍କର ମାହାଲି, ପ୍ରିୟଙ୍କା ସାହୁ, ପ୍ରଦୀପ ନାୟକ, ସନ୍ଦୀପ ପଣ୍ଡା, ହରିହର ମହାଳିକ, ତାପସ ପାଢ଼ୀ, ଲକ୍ଷ୍ମୀଧର ବାରିକ ପ୍ରମୁଖ ଶିବିରକୁ ପରିଚାଳନା କରିଥିଲେ।
