ପ୍ରତିକୂଳ ପାଗ ମଧ୍ୟରେ ପାଳିତ ହେଲା ଦେଶର ଗର୍ବ ଓ ଗୌରବର ମୂହୁର୍ତ୍ତ
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ପ୍ରତିକୂଳ ପାଗ, ପ୍ରବଳ ବର୍ଷା ସତ୍ୱେ ନର୍ଲା ର ବିଭିନ୍ନ ସ୍ଥାନ ଓ ଅନୁଷ୍ଠାନ ଗୁଡିକରେ ୭୯ତମ ସ୍ୱାଧୀନତା ଦିବସ ପାଳିତ ହୋଇ ଯାଇଛି। ନର୍ଲାର ପ୍ରତ୍ୟେକ ଘରେ ତ୍ରିରଙ୍ଗା ଲାଗିଥିବା ଦେଖିବାକୁ ମିଳୁଛି। ଗତ ସପ୍ତାହକ ପୂର୍ବରୁ ସାରା ଜିଲ୍ଲାର ବିଭିନ୍ନ ସ୍ଥାନରେ ଶିକ୍ଷା ଅନୁଷ୍ଠାନ ଗୁଡ଼ିକ ପକ୍ଷରୁ ତ୍ରିରଙ୍ଗା ଯାତ୍ରା କାର୍ଯ୍ୟକ୍ରମ ମଧ୍ୟ ଦେଖିବାକୁ ମିଳିଥିଲା। ଚଳିତ ବର୍ଷ ନର୍ଲା ହାଇସ୍କୁଲ ପଡ଼ିଆରେ ସାମୁହିକ ପତାକା ଉତ୍ତୋଳନ ହେଲା ହେଲେ ବର୍ଷା ଯୋଗୁଁ ପ୍ୟାରେଡ ଅନୁଷ୍ଠିତ ହୋଇ ପାରିଲା ନାହି। ଏଥିରେ ନର୍ଲା ବିଧାୟିକା ମନୋରମା ମହାନ୍ତି ମୁଖ୍ୟ ଅତିଥି ଭାବରେ ଯୋଗଦାନ କରି ପତାକା ଉତ୍ତୋଳନ କରିଥିଲେ। ଏଥିରେ ସମ୍ମାନୀତ ଅତିଥି ଭାବରେ ବ୍ଲକ ଅଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି, ବିଡିଓ ବିପିନ ବିହାରୀ ଦୀପ, ବ୍ଲକ ଶିକ୍ଷାଧିକାରୀ ତପିମଣି ଜାନୀ, ଏବିଓ ଗୋବର୍ଦ୍ଧନ ମାଝୀ ପ୍ରମୁଖ ଯୋଗଦାନ କରି ଛାତ୍ର ଛାତ୍ରୀଙ୍କୁ ପୁରସ୍କାର ବିତରଣ କରିଥିଲେ। ନର୍ଲା ଜବାହର ନବୋଦୟ ବିଦ୍ୟାଳୟ, ଆଦର୍ଶ ବିଦ୍ୟାଳୟର ସ୍କାଉଟ ଛାତ୍ର ଛାତ୍ରୀ ମାନେ ସଲାମୀ ଦେଇଥିଲେ। ସେହିଭଳି ଅଞ୍ଚଳର ପ୍ରତ୍ୟେକ ବିଦ୍ୟାଳୟରେ ପତାକା ଉତ୍ତୋଳନ କରାଯାଇଥିଲେ ମଧ୍ୟ ଛାତ୍ରଛାତ୍ରୀଙ୍କୁ ନେଇ ପ୍ୟାରେଡ଼ ହୋଇନାହିଁ । ନର୍ଲା ବ୍ଲକ ପରିସରରେ ନର୍ଲା ବ୍ଲକ ଅଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି ପତାକା ଉତ୍ତୋଳନ କରିଥିଲେ। ନର୍ଲା ବ୍ଲକ ବ୍ଲକର ସମସ୍ତ ଷ୍ଟାଫ ଉପସ୍ଥିତ ଥିଲେ। ନର୍ଲା ଆଇଆଇସି ବିଜୟରାଜ ମାଝୀ ଥାନାରେ ପତାକା ଉତ୍ତୋଳନ କରିଥିଲେ। ସେହିଭଳି ନର୍ଲା ଚାରିଛକରେ ନର୍ଲା ମଣ୍ଡଳ ବିଜେପି ସଭାପତି ଶିବ ପ୍ରସାଦ ରଣା ପତାକା ଉତ୍ତୋଳନ କରିଥିଲେ। ନର୍ଲାରୋଡ ଜୟଦୂର୍ଗା ହାଇସ୍କୁଲରେ ଯୁବ ଉଦ୍ୟୋକ୍ତା ବିମଳ କୁମାର କେଡ଼ିଆ, ନର୍ଲା ପଞ୍ଚାୟତ ସମିତି ହାଇସ୍କୁଲ ରେ ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ସସ୍ମିତା ସୁନାମୁଦୀ, ନର୍ଲା ଡିଗ୍ରୀ କଲେଜ ରେ ଅଧ୍ୟକ୍ଷ ନାରାୟଣ ନାଏକ, ଯୁକ୍ତ ଦୁଇ କଲେଜରେ ପ୍ରିନ୍ସିପଲ ମିନତୀ ମେହେର ପତାକା ଉତ୍ତୋଳନ କରିଥିଲେ। ନର୍ଲା ବ୍ଲକ ଶିକ୍ଷାଧିକାରୀ ତପିମଣି ଯାନୀ ବିଇଓ ଅଫିସ ର ପତାକା ଉତ୍ତୋଳନ କରିଥିବା ବେଳେ ନର୍ଲା ତହସିଲ ଅଫିସ ରେ ତହସିଲଦାର ବିଭୂପ୍ରସାଦ ସିଂ, ନର୍ଲା ଜିଲ୍ଲା କୃଷି କାର୍ଯ୍ୟାଳୟରେ ଅତିରିକ୍ତ ଜିଲ୍ଲା କୃଷି ଅଧିକାରୀ ଶୁଭେନ୍ଦୁ କର ପତାକା ଉତ୍ତୋଳନ କରିଥିଲେ। ସରସ୍ୱତୀ ଶିଶୁ ମନ୍ଦିର ରେ ପ୍ରଧାନ ଆଚାର୍ଯ୍ୟ ବୁଦ୍ଧ ନାଏକ, ମାଉଣ୍ଟେନ ଇଂଲିଶ ମିଡିୟମ ସ୍କୁଲ ରେ ଚେୟାରମେନ ନବୀନ କୁମାର ଦାସ, ପେସିଫିକ ପବ୍ଲିକ ସ୍କୁଲ ରେ ଚେୟାରମ୍ୟାନ ପ୍ରଶାନ୍ତ ନାୟକ, ବ୍ୟାଙ୍କ ଅଫ ଇଣ୍ଡିଆ ନର୍ଲା ଶାଖାରେ ଶାଖା ପରିଚାଳକ ମାନଭଞ୍ଜନ ହୋତା, ଷ୍ଟେଟ ବ୍ୟାଙ୍କ ଶାଖାରେ ଶାଖା ପରିଚାଳକ ଲମ୍ବୋଦର ସିଂ, ନର୍ଲାରୋଡ ରେଳ ଷ୍ଟେସନ ରେ ଷ୍ଟେସନ ସୁପରିଟେନଡେଣ୍ଟ ରଶ୍ମୀକାନ୍ତ ବେହେରା। ସର୍ଗିଗୁଡା ଜୟଦୂର୍ଗା ସ୍ପୋର୍ଟିଂ କ୍ଲବ ରେ ପୂର୍ବତନ ଜିଲ୍ଲା ପରିଷଦ ସଦସ୍ୟ ପ୍ରଦୀପ କୁମାର ନାଏକ ପତାକା ଉତ୍ତୋଳନ କରିଥିଲେ। ନାର୍ଲା ଯାଦବ ଭବନ ରେ ସଭାପତି ଲିଙ୍ଗରାଜ କରୁଆଁ, ଦେବଗିରି ଦେବଗିରି ସାଂସ୍କୃତିକ ଅନୁଷ୍ଠାନରେ ସଭାପତି ସଞ୍ଜୟ ଧଙ୍ଗଡ଼ାମାଝୀ ପତାକା ଉତ୍ତୋଳନ କରିଥିବା ବେଳେ ସର୍ଗିଗୁଡା ଗ୍ରାମ ପଞ୍ଚାୟତ ରେ ସରପଞ୍ଚ ଦୀପାଞ୍ଜଳୀ ବୁଦ୍ଧିଆ ପତାକା ଉତ୍ତୋଳନ କରିଥିଲେ। ବର୍ଷା ସତ୍ୱେ ଏସବୁ କାର୍ଯ୍ୟାଳୟ ଓ ଅନୁଷ୍ଠାନ ଗୁଡିକରେ ୭୯ତମ ସ୍ୱାଧୀନତା ଦିବସ ପାଳିତ ହୋଇଥିବା ବେଳେ ନର୍ଲାର କେତେଗୋଟି ସରକାରୀ ଅଫିସ ଗୁଡିକରେ ସରକାରଙ୍କ ନିର୍ଦ୍ଦେଶକୁ ଅବମାନନା କରି ସ୍ୱାଧୀନତା ଦିବସ ପାଳନ କରିନଥିବା, ଅଫିସରେ ଜାତୀୟ ପତାକା ଉଡାଇନଥିବା ପ୍ରସଙ୍ଗକୁ ନର୍ଲାର ବୁଦ୍ଧିଜୀବୀ ମହଲରେ ତୀବ୍ର ସମାଲୋଚନା କରାଯିବା ସହ ଏହାକୁ ଦୁର୍ଭାଗ୍ୟପୂର୍ଣ୍ଣ ବିଷୟ ବୋଲି କୁହାଯାଉଛି।
