ଓଡ଼ିଆ ବାର୍ତ୍ତା/ ଗୁଣୁପୁର (ପଦ୍ମନ ଭତ୍ରା): ରାୟଗଡ଼ା ଜିଲ୍ଲା ଗୁଣୁପୁର ଉପଖଣ୍ଡ କପିଳପୁର ଠାରେ ଅବସ୍ଥାପିତ ଲକ୍ଷ୍ମଣ ଲାବନ୍ୟା ମେଟ୍ରିନିଟି ହୋମ୍ ରିସିୖର୍ଚ୍ଚ ସେଣ୍ଟରକୁ ଅଚାନକ ଜିଲ୍ଲା ସ୍ୱାସ୍ଥ୍ୟ ବିଭାଗ ଚଡ଼ାଉ କରିଛି। ସୂଚନା ଅନୁଯାଇ ଏହି ସେଣ୍ଟର ବେଆଇନ୍ ଭାବରେ ଚାଲୁଥିବା ଅଭିଯୋଗ ହୋଇଥିଲା। ଏଣୁ ସ୍ୱାସ୍ଥ୍ୟ ବିଭାଗ ସହ ପୋଲିସ ବିଭାଗ, ଅଗ୍ନିଶମ ବିଭାଗ ରହି ବିଭିନ୍ନ କାଗଜ ପତ୍ର ଯାଞ୍ଚ କରିଛନ୍ତି। ଏହି ଚାଡାଉ ବେଳେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ବି ସୋରାଜିନୀ ଦେବୀ, ଅତିରିକ୍ତ ଜିଲ୍ଲା ଚିକିତ୍ସା ଅଧିକାରୀ ମମତା ସାହୁ, ଦାୟିତ୍ୱରେ ରହିଥିବା ମାଜିଷ୍ଟ୍ରେଟ ପି.କେ. ମିଶ୍ର, ପଦ୍ମପୁର ତହସିଲଦାର ବି. ଶଙ୍କର ଉପସ୍ଥିତ ରହିଥିବା ସୂଚନା ମିଳିଛି।
