କଳାହାଣ୍ଡି,୨୫/୫: ରବି ଧାନ ସଂଗ୍ରହ ପାଇଁ କଳାହାଣ୍ଡି ଜିଲ୍ଲାର ବିଭିନ୍ନ ସ୍ଥାନରେ ଧାନମଣ୍ଡି ସବୁ ଖୋଳିବା ଆରମ୍ଭ ହୋଇଛି । ସେହି କ୍ରମରେ ଆଜି ମ.ରାମପୁର ବ୍ଲକର ମଦନପୁର ଠାରେ ମିଶନଶକ୍ତି ତରଫରୁ ସ୍ୱୟଂ ସହାୟକ ଗୋଷ୍ଠୀ ଜରିଆରେ ଧାନମଣ୍ଡିର ଶୁଭାରମ୍ଭ ହେଇଯାଇଛି । ସରସ୍ୱତୀ ସ୍ୱୟଂ ସହାୟକ ଗୋଷ୍ଠୀ ଦ୍ୱାରା ଉଦଘାଟିତ ଏହି ଧାନମଣ୍ଡିରେ ମ.ରାମପୁର ତହସିଲଦାର ସୟଦ ଇସାକ ମଦିନା, ବିଡ଼ିଓ ରୁମାନା ଜାଫ୍ରି, ସିଡ଼ିପିଓ ଅର୍ଚ୍ଚନା କଅଁର, ମଦନପୁର ସରପଂଚ ରାଜେଶ କୁମାର ଧଙ୍ଗଡ଼ାମାଝୀ ଯୋଗ ଦେଇଥିବା ବେଳେ ମିଶନ ଶକ୍ତି ଗୋଷ୍ଠୀ ସଂଯୋଜକ ସତ୍ୟବାନ ସାହୁ, ମଣ୍ଡଳ ପରିଦର୍ଶିକା ଶର୍ମିଳା ବେହେରା ପ୍ରମୁଖ ଉପସ୍ଥିତ ରହିଥିଲେ । ସମସ୍ତେ ସାମାଜିକ ଦୂରତା ସହିତ ମାସ୍କ ପରିଧାନ କରି ଏହି ମଣ୍ଡି ଉଦଘାଟନ କରିଥିବାବେଳେ ଆରମ୍ଭ ଦିନରେ ୧୩୪ କୁଇଣ୍ଟାଲ ଧାନ କ୍ରୟ ହୋଇଛି । ଏହି କାର୍ଯ୍ୟକ୍ରମରେ ଆରଏମସି କର୍ମକର୍ତ୍ତାମାନେ ସହଯୋଗ କରିଥିଲେ ।