ଧର୍ମଗଡ଼,୨୭/୭: ଆଗକୁ ଆସୁଛି ବିଘ୍ନରାଜ ଗଣପତିଙ୍କ ଆରଧନାର ପର୍ବ । ଶିକ୍ଷାନୁଷ୍ଠାନ ଠାରୁ ଆରମ୍ଭ କରି କ୍ଲବ ଓ ଗାଁ ଗାଁ ରେ ଏହି ପୂଜା ଆଡ଼ମ୍ବର ସହକାରେ ପାଳିତ ହୋଇଥାଏ । ତେବେ ଏବର୍ଷ କରୋନା ସଂକଟ ଯୋଗୁଁ ଗଣେଶ ପୂଜା ପୂର୍ବଭଳି ହେବକି ନାହିଁ ସେନେଇ ଆଶଙ୍କା ସୃଷ୍ଟି ହୋଇଛି ।

Omkar Vasthu

Near Ashish Medical Store, Bhawanipatna

ଅନ୍ୟପଟେ ବଡ ବଡ ଗଣେଶ ମୂର୍ତ୍ତି ବିକ୍ରୟକରି ଭଲ ଦୁଇ ପଇସା ରୋଜଗାର କରି ପରିବାର ପ୍ରତିପୋଷଣ କରିଥାନ୍ତି କାରିଗର । ଧର୍ମଗଡ ବ୍ଲକ ଛିଲିପା ପଞ୍ଚାୟତ ଗୋଡ଼ଭଭଞ୍ଜା ଗ୍ରାମର କେତେକ କାରିଗର ମୂର୍ତ୍ତି ନିର୍ମାଣ କାମ ଆରମ୍ଭ କରିଦେଇଥିବା ବେଳେ ଅଧାପନ୍ତରିଆ ଭାବେ ମୂର୍ତ୍ତିକୁ ଛାଡି ଦେଇଦେଇଛନ୍ତି । କିଛି ରୋଜଗାର ଆଶାରେ ନିଜ ପଇସା ଖର୍ଚ କରି ଏ ବର୍ଷ ମଧ୍ୟ ମୂର୍ତ୍ତି ତିଆରି କରିଛନ୍ତି ସତ, ହେଲେ ଯଦି ଗଣେଶ ପୂଜା ନ ହୁଏ ତେବେ ବହୁତ ଟଙ୍କାର କ୍ଷତି ସହିବାକୁ ପଡିବ ବୋଲି ଅଧାରେ କାମ ବନ୍ଦ କରି ଦେଇଛନ୍ତି ମୂର୍ତି କାରିଗର । ସେମାନଙ୍କ କହିବା ଅନୁଯାଇ କିଛି ଛୋଟ ମୂର୍ତ୍ତି ନିର୍ମାଣ କରି ରଖିଛନ୍ତି, ଆଶା ଅଛି ଯେ ଲୋକେ ଘରେ ପୂଜା କରିବା ପାଇଁ ନେବେ ।