ରାମନାଗୁଡା/ଗୁଣୁପୁର, (ଦିଲୀପ କୁମାର ପଣ୍ଡା): କୃଷି ଅଧ୍ୟାଦେଶ ବାତିଲ କରିବା ଦାବୀ ନେଇ ଆଜି ଦେଶବ୍ୟାପୀ ବିଭିନ୍ନ କୃଷକ ସଙ୍ଗଠନ ପକ୍ଷରୁ ତିନି ଘଣ୍ଟିଆ ଚକାଜାମ ଆନ୍ଦୋଳନ ଡାକରା ଦିଆଯାଇଥିଲା।
ରାୟଗଡା ଜିଲ୍ଲା ଗୁଣୁପୁର ଠାରେ ଅଖିଳ ଭାରତ କୃଷକ ସଂଘର୍ଷ ସମନ୍ୱୟ ସମିତି ପକ୍ଷରୁ ସିପିଆଇ (ଏମମଏଲ) ସମ୍ପାଦକ ତିରୁପତି ଗମାଙ୍ଗଙ୍କ ନେତୃତ୍ୱରେ ବାଇପାସ ଛକ ଠାରେ ବିକ୍ଷୋଭ ପ୍ରଦର୍ଶନ କରିଥିଲେ।
ଆଜି ଦିନ ୧୨ ଟା ରୁ ୩ ଟା ଯାଏଁ ଚକାଜାମ କରିବାକୁ ଡାକରା ଦିଆଯାଇଥିବା ବେଳେ ପୋଲିସ ଏହାକୁ ଭଣ୍ଡୁର କରିଛି।
ବିକ୍ଷୋଭ ସ୍ଥଳରେ ପୋଲିସ ତୁରନ୍ତ ପହଞ୍ଚି ବିକ୍ଷୋଭକାରୀଙ୍କୁ ରାସ୍ତା ଉପରୁ ଉଠେଇ ନେଇଥିଲା। ଫଳରେ ଯାନବାହନ ଚଳାଚଳ ସ୍ବାଭାବିକ ହୋଇଥିଲା।
