ବୌଦ୍ଧ: ଜାତୀୟ ରାଜପଥ ୫୭ର ବୌଦ୍ଧ ବ୍ଲକ ସାହାଜପାଲ ନିକଟ କନକପୁର ଛକ ନିକଟରେ ସମାନ ଦିଗରୁ ଆଗପଛ ହୋଇ ଆସୁଥିବା ଗୋଟିଏ କାରକୁ ଏକ ବୋଲେରୋ ଧକ୍କା ଦେଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ସୋମବାର ରାତି ପ୍ରାୟ ୨ ଘଂଟା ସମୟରେ ମନମୁଣ୍ଡା ଦିଗରୁ ବୌଦ୍ଧ ଆଡକୁ ଗୋଟିଏ କାର (ଓଡି ୦୮ ଏମ ୧୩୮୧) ଆସୁଥିବାବେଳେ ତା ପଛରେ ଆଉ ଗୋଟିଏ ବଲେରୋ (ଓଡି ୩୧ ୬୨୭୭) ଆସୁଥିଲା । କନକପୁର ଛକ ନିକଟରେ ଥିବା ହମ୍ପସ୍‌ ନିକଟରେ କାରଟି ଗତି କମାଇଥିଲା । ପଛରେ ଦ୍ରୁତ ଗତିରେ ଆସୁଥିବା ବୋଲେରୋ କାର୍‌କୁ ପଛ ପାଖରୁ ଧକ୍କା ଦେଇଥିଲା । ଫଳରେ କାରର ପଛପାଖ କ୍ଷତିଗ୍ରସ୍ତ ହୋଇଥିବା ଜଣାପଡିଛି । ଗାଡିରେ ଥିବା ଯାତ୍ରୀମାନେ ସୁରକ୍ଷିତ ଥିବାବେଳେ ବାଉଁଶୁଣୀଥାନା ପୋଲିସ ଉଭୟ ଗାଡିକୁ ଥାନାକୁ ନେଇ ବୁଝାମଣା କରାଉଥିବା ସୁଚନା ମିଳିଛି ।