କଳାହାଣ୍ଡି: ବାଣୀପୀଠ ସମ୍ମାନରେ ସମ୍ମାନୀତ ହୋଇଛନ୍ତି କଳାହାଣ୍ଡିର କବି ଗୋକୁଳ ସାହୁ। କର୍ଲମୁଣ୍ଡା ବ୍ଳକ ଗଜବାହାଲ ପଂଚାୟତ ର ଡଙ୍ଗରମୁଣ୍ଡା ଗ୍ରାମର କବି ଓ ଲେଖକ ଗୋକୁଳ ସାହୁଙ୍କୁ ମୟୂରଭଂଜ ଜିଲ୍ଲାର ବଡସାହି ସ୍ଥିତ ବାଣୀପୀଠ ଅନୁଷ୍ଠାନର ୪୧ତମ ବାର୍ଷିକ ସାରସ୍ୱତ ସମାରୋହ ଓ ରାଜ୍ୟ ସ୍ତରୀୟ ପ୍ରତିଭା ସମ୍ମାନ ସମାରୋହ ଓ କବିତା ମହାଯଜ୍ଞ ଉତ୍ସବରେ ବାଣୀପୀଠ ସମ୍ମାନରେ ସମ୍ମାନୀତ କରାଯାଇଛି। ଏଇ ଅବସରରେ ଆୟୋଜିତ ସଭାରେ ଡଃ ପଦ୍ମଲୋଚନ ମହାକୁଡ ଅଧ୍ୟକ୍ଷତା କରିଥିବା ବେଳେ ବଡସାହି ବିଧାୟକ ସନାତନ ବିଜୁଳି, ବରିଷ୍ଠ ସାମ୍ବାଦିକ ଡଃ ବିଜୟ କୁମାର ଅଗ୍ରୱାଲ, ରେବତୀ’ ର ସଂପାଦିକ ସୁବାଷିନୀ ଜେନା, ଓଡିଶା ସାହିତ୍ୟ ଏକାଡେମୀ ସଦସ୍ୟ ଭରତ ଚନ୍ଦ୍ର ଦାଶ, ପରିବେଶବିତ ସନ୍ତୋଷ ମହାନ୍ତି , ବିଜେପୁର କଂସ ମହାରାଜ ଦେବରାଜ ଛତ୍ରିଆ, କବି ଶତୀନ୍ଦ୍ର କୁମାର ବିଶ୍ୱାଳ, ସୁନୀଳ ଦାଶ ଓ ‘ସମୟର ଚକ୍ର’ର ସଂପାଦକ ସର୍ବେଶ୍ୱର ଜେନା ଅତିଥିଭାବେ ଯୋଗଦେଇଥିବା ବେଳେ ଅନୁଷ୍ଠାନର ସଂପାଦକ ଡଃ କୁମାର ବାବୁଲି କାର୍ଯ୍ୟକ୍ରମ ପରିଚାଳନା କରିଥିଲେ। କବି ଶ୍ରୀ ସାହୁ ଏହି ସମ୍ମାନରେ ସମ୍ମାନୀତ ହୋଇଥିବାରୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି।