ଲାଞ୍ଜିଗଡ଼: ଲାଞ୍ଜିଗଡ଼ରୋଡ଼ ଗ୍ରାମ ପଞ୍ଚାୟତର କିଡିଙ୍ଗ ଗ୍ରାମରେ ଦୁଇ ଦିନ ମଧ୍ୟରେ ୬ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହା ପରେ ଜିଲ୍ଲା ତଥା ବ୍ଲକ ପ୍ରଶାସନ ପକ୍ଷରୁ କିଡିଙ୍ଗ ଗ୍ରାମର ଗଉଡ଼ପଡା ଓ ଶବରପଡାକୁ କଣ୍ଟେନମେଣ୍ଟ ଜୋନ୍ ଓ ହରିଜନ ପଡା, ସ୍କୁଲପଡା ଓ ତଳପଡାକୁ ବଫର ଜୋନ୍ ଘୋଷଣା କରାଯାଇଛି। ସଂପୃକ୍ତ ଅଞ୍ଚଳରେ ଏହା ମେ ୨ ତାରିଖ ଠାରୁ ଆରମ୍ଭ ହୋଇଥିବାବେଳେ ଆସନ୍ତା ୮ ତାରିଖ ପର୍ଯ୍ୟନ୍ତ ବଳବତ୍ତର ରହିବ ବୋଲି ଲାଞ୍ଜିଗଡ଼ ତହସିଲଦାର ମୁନିନ୍ଦ୍ର ହୋନ୍ନାଙ୍ଗା ପ୍ରକାଶ କରିଛନ୍ତି।