ଲାଞ୍ଜିଗଡ଼: ଆଜି (ମଙ୍ଗଳବାର) ସକାଳ ୬.୩୦ରୁ ବଞ୍ଜାରୀ ଘାଟିର ଉଭୟ ପାର୍ଶ୍ଵରେ ଶହ ଶହ ଯାନବାହନ ଅଟକି ରହିଛନ୍ତି। ଗୋଟିଏ ମାଳବାହୀ ଟ୍ରକର ବ୍ରେକ୍ ଡାଉନ୍ ହେବା ଫଳରେ ଏହି ପରିସ୍ଥିତି ସୃଷ୍ଟି ହୋଇଛି। ଘାଟି ଉପରେ ଦୁଇଟି ଟ୍ରକ ମୁହାଁ ମୁହିଁ ହୋଇ ଅଟକି ରହିଥିବାରୁ ରାସ୍ତା ଜାମ ହୋଇଯାଇଛି। ଫଳରେ ଭବାନୀପାଟଣା-ରାୟଗଡା ରାଜ୍ୟ ରାଜପଥ ଉପରେ ଥିବା ବଞ୍ଜାରୀ ଘାଟିର କିଡିଙ୍ଗ ଠାରୁ କିଚେଇଯୋର ଏବଂ କିଡିଙ୍ଗ ଠାରୁ କାଉଗୁଡା ପର୍ଯ୍ୟନ୍ତ ରାସ୍ତାରେ ଶହ ଶହ ଯାନବାହନ ଅଟକି ରହି ଗମନାଗମନ ବାଧାପ୍ରାପ୍ତ ହୋଇଛି।