ନର୍ଲା: ଭାରସାମ୍ୟ ହରାଇ ରାସ୍ତା କଡ଼କୁ ଓଲଟିଲା କୋଇଲା ବୋଝେଇ ଟ୍ରକ

● କାଚ ଭାଙ୍ଗି ଡ୍ରାଇଭର ଓ ହେଲପରଙ୍କୁ ଉଦ୍ଧାର କଲେ ଗ୍ରାମବାସୀ

କଳାହାଣ୍ଡି, (ଲିଙ୍ଗରାଜ ମିଶ୍ର): ଆଜି (ଶନିବାର) ଦିନ ୧୨ ଘଣ୍ଟା ସମୟରେ ଭବାନୀପାଟଣା- ଭୁବନେଶ୍ୱର ରାଜରାସ୍ତାର ନର୍ଲା ନିକଟସ୍ଥ ଦେହେଲି ବୁଲାଣିରେ ବିଶାଖାପାଟଣାରୁ କୋରବା ଅଭିମୁଖେ ଦୃତ ଗତିରେ ଯାଉଥିବା ଏକ କୋଇଲା ବୋଝେଇ ଅଶୋକ ଲିଲାଣ୍ଡ ଟ୍ରକ (ନମ୍ବର ଏପି ୨୬ ଟିଏଫ ୬୨୩୯) ଭାରସାମ୍ୟ ହରାଇ ଧାନବିଲକୁ ଖସି ପଡିଥିବା ଦେଖିବାକୁ ମିଳିଛି ।

ଦୁର୍ଘଟଣା ଶବ୍ଦ ଶୁଣି ଦେହେଲି ଗ୍ରାମବାସୀ ତୁରନ୍ତ ଦୁର୍ଘଟଣା ସ୍ଥଳରେ ପହଞ୍ଚି କାଚ ଭାଙ୍ଗି ଡ୍ରାଇଭର ଓ ହେଲପରଙ୍କୁ ଉଦ୍ଧାର କରିବା ସହ ନର୍ଲା ଡାକ୍ତରଖାନାକୁ ଆଣିଥିଲେ । ଡ୍ରାଇଭର ହେଲପର ସାମାନ୍ୟ ଆଘାତ ପ୍ରାପ୍ତ ହୋଇଥିବା ବେଳେ କେହି ମୃତାହତ ହୋଇ ନଥିବା ଜଣା ପଡ଼ିଛି । ନର୍ଲା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣା ପଡ଼ିଛି ।