ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): ଭବାନୀପାଟଣା – ଜୟପୁରକୁ ସଂଯୋଗ କରୁଥିବା ଜାତୀୟ ରାଜପଥ ୨୬ ଡୋଙ୍ଗରିଗୁଡା ଛକ ନିକଟରେ ଆଜି (୧୧ ମାର୍ଚ୍ଚ) ମଧ୍ୟାହ୍ନରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ରାସ୍ତା କଡ଼ରେ ଚକ ଫାଟିବା ଯୋଗୁ ଅଚଳ ଥିବା ଏକ ଟ୍ରକକୁ ପଛ ପଟୁ ଧକ୍କା ଦେଇ ବାଇକ ଚାଳକ ଦୁର୍ଘଟଣାର ସମ୍ମୁଖୀନ ହୋଇଥିବା ବେଳେ ଗୁରୁତର ଅବସ୍ଥାରେ ତାଙ୍କୁ କୋକସରା ହସ୍ପିଟାଲରେ ଭର୍ତି କରିଥିବା ବେଳେ ତାଙ୍କ ମୃତ୍ୟୁ ହୋଇଛି । ମୃତକ ହେଉଛନ୍ତି ଧର୍ମାନନ୍ଦ ନାଏକ (୪୮) । ସେ କୋକସରା ବ୍ଲକ ଚିକିଳି ଗ୍ରାମର ହୋଇଥିବା ବେଳେ କୁସୁମଖୁଣ୍ଟି ଗ୍ରାମରେ ରହୁଥିଲେ ବୋଲି ଜଣାପଡିଛି । କୋକସରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
