✍🏾 ତ୍ରିନାଥ ପଟ୍ଟନାୟକ
ଫଗୁଣ ମାସର ଏ ଅଟେ ଆମ ପର୍ବ
ହୋଲି ପର୍ବ ଅଟେ ପ୍ରଧାନ
ଅବିର ରଙ୍ଗ ସାଙ୍ଗକୁ ପିଚକାରି ଖେଳ
ମନ ଆମ ହେଲାଣି ଉଚ୍ଛନ୍ନ ।।
ଶତ୍ରୁତା ଛାଡି ଅତିତ ଯିବା ଭୁଲି
ସଭିଏଁ ହେବା ଯେ ଭେଟ
ରଙ୍ଗକୁ ନିଜ ରଙ୍ଗରେ ଭରି ନେବା
ହୃଦେ ରହି ହୋଇ ଏକଜୁଟ ।।
ଏ ତ ଅଟେ ପ୍ରକୃତି ରଙ୍ଗ ମନେ
ଦେବା ସଭିଏଁ ଏ ରଙ୍ଗ ଭରି
ହୃଦେ ଉର୍ଜା ଆଣି ନୂତନଟା ରଙ୍ଗ
ସ୍ନେହେ ଆପଣା ବାନ୍ଧି କରି ।।
ହୋଲି ଆଣିବ ଏ ମନେ ସୁଯୋଗ
ଯେବେ ଆମେ ହେବା ମନେ ଶୁଦ୍ଧି
ସଭିଏଁ ଆମେ ହେବା ଅଗ୍ରସର ଆଜି
ସଂସାର ଜନଙ୍କୁ ହୃଦେ କରି ବାନ୍ଧି ।।
ଅଶୁଦ୍ଧ ଆତ୍ମାକୁ କରି ହୃଦେ ଦୂର
ସଭିଙ୍କୁ ହେବା ଆପଣା କରି
ଶୁଦ୍ଧ ଚରିତ୍ରେ ହେବା ଯେ ମଗ୍ନ ଆଜି
ଜୀବନେ ରଙ୍ଗେ ଦେବା ଭରି ।।
ଅଧ୍ୟାପକ ତଥା କବି
ଶିକ୍ଷକ କଲୋନୀ, ଗାନ୍ଧୀ ନଗର,
କୋରାପୁଟ
ମୋ:9438362172
