ଭାରତ ମାତାର କୋଳେ ଜନ୍ମିଛି
ଓଡିଶା ମାଟିକୁ ଛୁଇଁ
ଉତ୍କଳ ମାତାର ସନ୍ତାନ ମୁହିଁ
ଓଡିଶା ମୋ ଜନ୍ମ ଭୂଇଁ ।।
ଫୁଟିଛି ଉତ୍କଳ ଭାଷା କମଳିନୀ
ସଭିଁଙ୍କୁ ମିଳୁ ଭାଷା ପ୍ରୀତି
ପୂର୍ଣ୍ଣ ହେଉ ଆଶା ସ୍ମାର୍ଟ ଓଡିଶା
ଲହରୀ ଉଠୁ ଓଡିଶା ଜ୍ୟୋତି ।।
ଧନ୍ୟ ଏ ଓଡିଶା ଧନ୍ୟ ତା ଭାଷା
ଧନ୍ୟ ଏ ପୂଣ୍ୟ ନୀଳାଚଳ
ଏ ଦେଶ ନେତା ସ୍ୱୟଂ ଜଗନ୍ନାଥ
ଉତ୍କଳ ଭୂଇଁ ଆଜି ଚଳଚଞ୍ଚଳ ।।
ଉତ୍କଳ ଭୂଇଁ ଗର୍ବେ ଆଜି ପ୍ରକମ୍ପିତ
ନିଜକୁ ଆମେ ଭାଗ୍ୟ ମଣିବା
କେତେ ପୂର୍ବପୁରୁଷ ଦେଲେ ବଳିଦାନ
ଯଶ ଅରଜିବା ତାଙ୍କ ଭଳିକା ।।
ଓଡିଶୀ ନୃତ୍ୟ ଶୋଭା ରାଜି ଚମକୁଛି
ଏ ଉତ୍କଳ ଭୂଇଁ ପରମ୍ପରା ସାଜି
ଏକାମ୍ରକ୍ଷେତ୍ର ପାଲଟିଛି ଆମ ରାଜଧାନୀ
ଭୁବନେଶ୍ୱର ଏ ଉତ୍କଳ ଭୂଇଁ ବାଜି ।।
✍🏾ତ୍ରିନାଥ ପଟ୍ଟନାୟକ
ଅଧ୍ୟାପକ ତଥା କବି
ଗ୍ରାମ : ଶିକ୍ଷକ କଲୋନୀ, ଗାନ୍ଧୀ ନଗର
ପୋ:ଜିଲ୍ଲା- କୋରାପୁଟ
