ଓଡ଼ିଆ ବାର୍ତ୍ତା/ କୋରାପୁଟ: ଗାଁ ଗାଁକୁ ପରିମଳ କରିବାକୁ ସ୍ୱଛତା ପଖୱାଡା ସଚେତନତା କାର୍ଯ୍ୟକ୍ରମ ସରକାରଙ୍କ ତରଫରୁ ପଦକ୍ଷେପ ନିଆଯାଉଅଛି । ତେବେ ଏହି କ୍ରମରେ ଆଜି କୋରାପୁଟ ଜିଲ୍ଲାର ଗାନ୍ଧିନଗର ସ୍ଥିତ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ତରଫରୁ ସ୍ୱଛତା ପଖୱାଡା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି । ଏହି ପରିପ୍ରେକ୍ଷୀରେ କୋରାପୁଟ ଜିଲ୍ଲାର ଇନ୍ଦିରା କଲୋନୀ ସ୍ଥିତ ଅଙ୍ଗନବାଡି କେନ୍ଦ୍ର ଏବଂ ପି.ଏଚ୍.ଡି କଲୋନୀ ସ୍ଥିତ ଅଙ୍ଗନବାଡି କେନ୍ଦ୍ର ଠାରେ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ତରଫରୁ ସ୍ୱଛତା ପଖୱାଡା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି । ଗାଁ ଗାଁର ପରିବେଶକୁ ସ୍ୱଚ୍ଛ, ସୁନ୍ଦର ଏବଂ ନିର୍ମଳ ରଖିବା ସକାଶେ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ବିଭିନ୍ନ କାର୍ଯ୍ୟକ୍ରମ କରାଯାଇଥାଏ ।
ତେବେ ଆଜିର ଏହି କାର୍ଯ୍ୟକ୍ରମରେ କୋରାପୁଟ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ସ୍ୱାସ୍ଥ୍ୟ ଅଧିକାରୀ ଡ଼. ରେଣୁକା ଦାଶଙ୍କ, ସ୍ୱାସ୍ଥ୍ୟ ପରାମର୍ଶଦାତା ପଦ୍ମା ମୁଦୁଲିଙ୍କ ସମେତ ସ୍ୱାସ୍ଥ୍ୟ କେନ୍ଦ୍ରର ସମସ୍ତ କର୍ମୀ ଯୋଗ ଦେଇଥିଲେ । ତେବେ ଏହି କ୍ରମରେ ଅଙ୍ଗନବାଡି କେନ୍ଦ୍ରର କର୍ମୀ ଏବଂ ଗ୍ରାମାଞ୍ଚଳର ଲୋକଙ୍କୁ ସୁସ୍ଥ ଏବଂ ନିରୋଗ ରହିବାକୁ ସଚେତନ କରିବା ସହ ପରିବେଶ କିପରି ସଫା ସୁତୁରା ରଖିବେ ଏବଂ ସ୍ୱଛତା ନିୟମ ପାଳନ କରିବେ ଏ ନେଇ ସ୍ୱାସ୍ଥ୍ୟ କେନ୍ଦ୍ର କର୍ମୀ ପରାମର୍ଶ ଦେଇଥିଲେ ।
