ଓଡ଼ିଆ ବାର୍ତ୍ତା/ ଉମରକୋଟ: ମିଶନ ଶକ୍ତି ସଭାଗୃହ ଉମରକୋଟ ଠାରେ ବ୍ଳକ କଳାସଂସ୍କୃତି ସଂଘର ସଭାପତି ତଥା ବ୍ଳକ ଉନ୍ନୟନ ଅଧିକାରୀ ଡ଼. ହିମାଞ୍ଚଳ ମାଝୀଙ୍କ ଅଧ୍ୟକ୍ଷତାରେ ଏକ ବ୍ଳକ ସ୍ତରୀୟ କଳାକାରଙ୍କ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏନେଇ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉମରକୋଟ ବ୍ଳକ ଅଧ୍ୟକ୍ଷା ସୁଶିଳା ମାଝୀ, ସମ୍ମାନିତ ଅତିଥି ଭାବେ ଉମରକୋଟ ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ରୁଷି ମାଝୀ, ଏଵିଡିଓ, ଖାଦ୍ୟ ନିରିକ୍ଷକ ଅଧିକାରୀ, ସାମାଜିକ ସୁରିକ୍ଷା ଅଧିକାରୀ ଯୋଗ ଦେଇଥିଲେ। ବ୍ଳକ କଳା ସଂସ୍କୃତି ସଂଘର ଉପସଭାପତି ସନ୍ତୂ ଭତ୍ରା, ସାଧାରଣ ସଂପାଦକ ପର୍ଶୁରାମ ନାୟକ, ସଭାପତି ସିମାଞ୍ଚଳ ନାହକ, ବରିଷ୍ଠ ଗୁରୁପେଣ୍ଡ୍ରା ପ୍ରସାଦ ନାୟକ, ଉପସ୍ଥିତ ରହି କଳାକାର ମାନଙ୍କୁ ସରକାର ଙ୍କର ଯୋଜନା ଗୁଡ଼ିକୁ ସଚେତନତା କରାଯିବା ସହିତ ଆଞ୍ଚଳିକ ଭାଷାରେ ପ୍ରତେକ ଗ୍ରାମ ପଞ୍ଚାୟତର ରାଜସ୍ୱ ଗ୍ରାମ ମାନଙ୍କରେ, ସୁଚନା ଶିକ୍ଷା ଓ ସଂଚାର ଉପକ୍ରମରେ ଲୋକ କଳାକର ପ୍ରୟୋଗ ମାଧ୍ୟମରେ ପଥପ୍ରାନ୍ତ ନାଟକ କରି ଜନସାଧାରଣଙ୍କୁ ସଚେତନା କରିବା ପାଇଁ ବୁଝାଇ ଥିଲେ। ଶେଷରେ ସଂପାଦକ ପର୍ଶୁରାମ ନାୟକ ଧନ୍ୟବାଦ ଅର୍ପଣ କରିଥିଲେ।
